Նկար
Ի՞նչ է պատահում երիտասարդների հետ, երբ նրանք մեկ շաբաթ ծառայում են Հայաստանի համայնքներում: Ծառայության եզակի ծրագիր, որը կոչվում է «ՀԱՅԵՐ, ՀԱՄԱԽՄԲՎԵ՛Ք»:
Արցախում 44-օրյա աղետալի պատերազմից հետո ՀԲԸՄ Ֆրանսիան մեկնարկեց մի շարք կամավորական ծրագրեր: Հայաստանում ՀԲԸՄ-ի կարևոր մարդասիրական աշխատանքներից հանդիսացող այս ծրագիրն իրականացվում է մեր ամենաուժեղ կարողությունների՝ կամավորների միջոցով:
Առանց գրանցման կամ մասնակցության վճարների անհրաժեշտության հարկավոր է ընդամենն անդամագրվել և ամրագրել ձեր թռիչքը:
Կամավորական ծրագրերի տեսակները
ՀԲԸՄ «ՀԱՅԵՐ, ՀԱՄԱԽՄԲՎԵ՛Ք» ծրագրի մասնակիցներն աշխատում են Երևանից դուրս և կամավորական ծրագրերի համար ճանապարհորդում են տարբեր մարզեր, որտեղ իրականացնում են այնպիսի աշխատանքներ, որոնք համահունչ են ՀԲԸՄ մարդասիրական օգնության ծրագրերին ու ներկայիս կարիքներին: Ծրագրի տևողությունը 7-10 օր է և գործում է պարբերական փուլերով։ Անհրաժեշտ է, որպեսզի ծրագրի օրերին մասնակիցները լինեն Հայաստանում: Ծրագրի 2023թ. օրերը կհայտարարվեն շուտով: Կամավորական գործունեության օրինակները ներառում են.
- Սննդեղենի և հիգիենայի փաթեթների բաշխում
- Դպրոցների և համայնքային կենտրոնների վերանորոգում
- Երեխաների մարզական, մշակութային և ժամանցային միջոցառումների կազմակերպում
* Ծրագրի ընթացքում ըստ կարիքի կամավորներին կարող է առաջարկվել նաև այլ աշխատանքներ:
Միացե՛ք մեր ճամփորդությանը: Ընդամենը մեկ շաբաթվա ընթացքում դուք կարող եք լուսավորել շատերի օրերն ու ամիսները:
Ծրագրի առաջիկա փուլերը
Ձմեռային շրջան
13
Մարտ 2022
Գարնանային շրջան
01
Մայիս 2022
Աշնանային շրջան
13
Հոկտեմբեր 2022
Յուրաքանչյուր փուլի տևողությունը մինչև 10 օր է։ Ակնկալվում է, որ այդ ընթացքում բոլոր մասնակիցները կլինեն Հայաստանում։
Լրացուցիչ մանրամասներ
Կամավոր դառնալու համար դուք պետք է տիրապետեք անգլերեն, ֆրանսերեն կամ հայերեն լեզուներին (բավարար իմացություն) և լինեք առնվազն 18 տարեկան։
Կամավորները հոգում են իրենց ավիատոմսի և անձնական ծախսերը:
Մասնակիցներին խորհուրդ է տրվում գնել վերադարձվող կամ փոխանակվող ավիատոմս, ինչպես նաև COVID-19-ի և համաշխարհային այլ իրադարձությունների հետ կապված ապահովագրություն: Մասնակիցները հոգում են նաև կեցության ողջ տևողության ապահովագրության ծախսերը:
ՀԲԸՄ «Վահե Կարապետյան» կենտրոնում կտրամադրվեն հանրակացարանային սենյակներ՝ գիշերակացի դիմաց 15 եվրո արժողությամբ (նախաճաշը ներառված չէ արժեքի մեջ): Մենք խրախուսում ենք մասնակիցներին մնալ «ՀԱՅԵՐ, ՀԱՄԱԽՄԲՎԵՔ» խմբի հետ՝ խրախուսելու թիմերի ձևավորումն ու մշակութային փոխանակումը: Այնուամենայնիվ, ըստ ցանկության, մասնակիցները կարող են մնալ իրենց նախընտրած կացարաններում:
ՀԲԸՄ-ն նաև ողջ շաբաթվա ընթացքում կապահովի փոխադրումներ «Զվարթնոց» օդանավակայանից, կամավորական աշխատանքի վայրերից և ՀԲԸՄ «Վահե Կարապետյան» կենտրոնից:
ՀԲԸՄ-ի կողմից մասնակիցների համար կկազմակերպվի ողջույնի ընթրիք և հրաժեշտի ընդունելություն:
«ՀԱՅԵՐ, ՀԱՄԱԽՄԲՎԵՔ» խումբը 15 կամավորներից բաղկացած խումբ է: Խմբի անդամների թիվը փոքր է պահվում՝ ելնելով արդյունավետության և ընդհանուր անվտանգության նկատառումներից:
Չկան գրանցման կամ մասնակցության վճարներ։ Կամավորները պետք է հոգան իրենց ծախսերը։ ՀԲԸՄ-ն առաջարկում է կացարաններ փոքր վճարով (տե՛ս վերևում):
ՆՎԻՐԱԲԵՐԵ՛Ք ՀԲԸՄ-ԻՆ
Գործե՛ք հանուն մարդկության բարօրության: Նվիրաբերե՛ք այսօր:
