{source}<iframe width="350" height="200" src="https://www.youtube.com" />

ՀԲԸՄ «ԱՆԴՐԱՆԻԿ» ՍԿԱՈՒՏԱԿԱՆ ՎԵՑԵՐՈՐԴ ԲԱՆԱԿՈՒՄԸ ՀԱՅԱՍՏԱՆ ԲԵՐԵՑ 300 ՍԿԱՈՒՏՆԵՐ ՈՂՋ ԱՇԽԱՐՀԻՑ

 

 

 

ՀԲԸՄ երիտասարդական ծրագրերի շրջանակներում անցկացվող սկաուտական 6-րդ բանակումի մեկնարկը տրվեց հուլիսի 14-ին, Լոռու մարզի Լերմոնտովո հովտում գտնվող ՀԲԸՄ ճամբարում: Բացման արարողությանն իր օրհնության խոսքն ասաց Գուգարաց Թեմի Առաջնորդ Սեպուհ արք. Չուլջյանը: Սկաուտական բանակումի առաջին փուլին մասնակցում էին ՀԲԸՄ Բեյրութի, Թեհրանի, Թբիլիսիի և Բաթումիի խմբերը ներկայացնող 140 սկաուտներ: Սկաուտական առօրյան սկսում է առավոտյան մարզանքով ու դրոշակի արարողությամբ, այնուհետև նախաճաշ, վրանի և տարածքի մաքրություն, արշավներ, դասախոսություններ, խաղեր, իսկ երեկոյան ընթրիք, երգ ու պար խարույկի շուրջ և կրկին դրոշակի արարողություն: «Անդրանիկ» սկաուտական բանակումի առաջին փուլի խարույկահանդեսը տեղի ունեցավ հուլիսի 21-ին: Արարողությանը մասնակցում էին ՀԲԸՄ ներկայացուցիչներ` Հայաստանի գրասենյակի տնօրեն Արփի Վարդանյանի գլխավորությամբ, ինչպես նաև Երևանից ժամանած բազմաթիվ հյուրեր: Կատարվեց դրոշի արարողությունն ու սկաուտական խմբերի տողանցքը, որին այս տարի հատուկ փայլ տվեց ՀԲԸՄ Երևանի սկաուտական խմբի նորաստեղծ փողային նվագախումբը: «Մեր թիվն ավելանում է տարեցտարի, բայց մեր ուժը միայն քանակի մեջ չէ, մենք ուժեղ ենք մեր հոգով ու մեր Միության պատմական անցալով ու պայծառ ապագայով: Այս երիտասարդներն են, որ կերտելու են այդ ապագան: Այն ինչ ավելի քան մեկ դար կերտել են մեր երախտավորները, այս երիտասարդները պետք է շարունակեն», - ասաց «Անդրանիկ» սկաուտական բանակումի ընդհանուր պատասխանատու Գևորգ Սանթուրյան:

 
Դուք այստեղ եք՝ Home Արխիվ 2013 Տեսանյութեր ՀԲԸՄ «ԱՆԴՐԱՆԻԿ» ՍԿԱՈՒՏԱԿԱՆ ՎԵՑԵՐՈՐԴ ԲԱՆԱԿՈՒՄԸ ՀԱՅԱՍՏԱՆ ԲԵՐԵՑ 300 ՍԿԱՈՒՏՆԵՐ ՈՂՋ ԱՇԽԱՐՀԻՑ

Շնորհակալություն բաժանորդագրվելու համար: