ԷՋՄԻԱԾԻՆ. Ապրիլի 23-ին, Հայ առաքելական եկեղեցին Մայր Աթոռ Սբ. Էջմիածնում կատարելու է Հայոց Ցեղասպանության զոհերի սրբադասման կարգ` հանդիսապետությամբ Ծայրագույն Պատրիարք և Կաթողիկոս Ամենայն Հայոց Գարեգին Բ.-ի և Մեծի Տանն Կիլիկիո Կաթողիկոս Արամ Ա.-ի: Սա խոշորագույն իրադարձություն է հայ ժողովրդի պատմության մեջ, քանզի Հայ առաքելական եկեղեցին վերջին անգամ սրբադասման կարգ կատարել է 400 տարի առաջ: Արարողությունը կենդանի կհեռարձակվի Հայաստանի և աշխարհի խոշորագույն հայկական եկեղեցիներում` միավորելով միլիոնավոր հայերի ողջ աշխարհում: Արարողության և ամբողջ աշխարհում դրա հեռարձակման հետ կապված բոլոր ծախսերը հոգում է Հայկական Բարեգործական Ընդհանուր Միությունը: Արարողության սկիզբը Երևանի ժամանակով ժամը 17:00-ին է, ավարտը՝ ժամը 19:15-ին` խորհրդանշելով Հայոց Ցեղասպանության իրագործման տարեթիվը: «Սրբադասման կարգը միտված է մեր զոհերի հիշատակը վերափոխելու ուժի ու եռանդի մեր ազգի հոգևոր կյանքում, Աստծո և ժողովրդի առջև մեր արդար ուղին լուսավորելու և ուղորդելու մեզ դեպի արդարություն և սրբազան նպատակներ», ասաց Վեհափառ Հայրապետը: Արարողությունն ուղիղ հեռարձակմամբ կարող եք դիտել հետևյալ կայքէջերով` www.agbu.am, www.agbu.org կամ www.armeniangenocide100.org և հետևյալ ժամերին.

Երևան - 5:00 PM

Բեյրութ - 4:00 PM

Փարիզ - 3:00 PM

Նյու Յորք - 9:00 AM

Լոս Անջելոս - 6:00 AM

Հայոց Ցեղասպանության հարյուրամյա տարելիցի առիթով ֆրանսիայում տեղի են ունենում բազմաթիվ մշակութային միջոցառումներ: Այդ միջոցառումների շրջանակում Ֆրանսիայի Հայկական բարեգործական ընդհանուր միության (ՀԲԸՄ) նախաձեռնությամբ ու Ֆրանսիայի հանրապետության նախագահ Ֆրանսուա Օլանդի բարձր հովանու ներքո ապրիլի 21-ին, Փարիզի Շատլե թատրոնում, տեղի է ունենալու բացառիկ համերգ: Համերգի ծրագրում հնչելու են հայ կոմպոզիտորների ու երաժիշտների գործերը՝ Կոմիտաս, Արամ Խաչատրյան: Ելույթ է ունենալու Միշել Պետրոսյանի տրիոն, ընկերակցությամբ նվագախմբի ու երգչախմբի: Կհնչի նաև Մոցարտի Ռեքվիեմը: Ելույթ կունենա Հայկական համաշխարհային նվագախումբը՝ Ալեն Ալթընողլուի ղեկավարությամբ: Երգչախումբն ընդգրկում հայ երաժիշտներ աշխարհի տարբեր երկրներից, ինչպես նաև Գալուստ Գյուլբենկյան Հիմնարկության երգչախումբն ու անհատ երգիչներ ու երաժիշտներ: Հայաստանում Ֆրանսիայի դեսպանությունը, ՀՀ Մշակույթի նախարարության և Օրանժ Արմենիայի հետ գործընկերությամբ, 2015թ. ապրիլի 21-ին կազմակերպում է բացառիկ մի իրադարձության՝ Օպերայի թատրոնի հսկա էկրանին ուղիղ հեռարձակմամբ ներկայացնելով Ցեղասպանության հարյուրամյա տարելիցին նվիրված համերգը Փարիզի Շատլե թատրոնից: Հաշվի առնելով Ֆրանսիայի հետ ժամային գոտու տարբերությունը, համերգի հեռարձակումը Օպերայի էկրանին կկայանա ժամը 22.00:

Մուտքն ազատ է:

#AGBUtalks՝ «ՀԲԸՄ զրույցներ»-ը 88-րդ Ընդհանուր ժողովի կարևոր միջոցառումներից են: «ՀԲԸՄ զրույցներ»-ի նպատակն է ստեղծել ընդհանուր քննարկման հարթակ, որը մասնակիցներին կոգեշնչի և կներգրավի ազգի զարգացման շուրջ գաղափարներ և ծրագրեր առաջարկելու ու դրանց իրագործման ուղիներ մշակելու մեջ: «ՀԲԸՄ զրույցներ»-ի ընթացքում ելույթ կունենան Հայաստանի և արտասահմանի խոշոր կրթական հաստատությունների, հիմնադրամների, պետական ու միջազգային կազմակերպությունների ներկայացուցիչներ:

«ՀԲԸՄ զրույցներ»-ը կմեկնարկեն ապրիլի 1-ին Երևանի «Այբ» դպրոցում

ՄԵԿՆՈՒՄ՝ ՍԵՊՏԵՄԲԵՐ 12

ՄԵԿՆՈՒՄ՝ ՀՈՒԼԻՍ 28