ՀԲԸՄ «Բիզնես մենթորներ»

ՀԲԸՄ «Բիզնես մենթորներ» ծրագիրը, Հայաստանում կանանց կարողությունների հզորացման միջոցով, Սփյուռքի կայացած մասնագետներին կապում է Հայաստանի և Արցախի մեր ծրագրերի շահառուների հետ՝ նպատակ ունենալով նրանց փոխանցել փորձ և հայրենիքում ձեռներեց կանանց համար ստեղծել աջակցության հնարավորություններ:

Մենթորները կարող են ներգրավվել տարբեր ձևերով՝ ըստ հասանելիության և փորձի:

Ներգրավվման ձևաչափեր

Ճանաչելով մասնակիցների բազմազան կարիքները՝ ՀԲԸՄ «Բիզնես մենթորներ» ծրագիրն ունի ճկուն կառույցներ, որոնք թույլ են տալիս անհատական ​​մենթորություններ, ինչպես նաև մասնագիտացված դասընթացներ և սեմինարներ: Մենթորի մասնակցությունը Հայաստանում կարող է լինել առցանց, կամ առկա ձևաչափով:

Ողջունելի է տարբեր ոլորտների մասնագետների մասնակցությունը ծրագրին: Հնարավորության դեպքում, ըստ ուղղության, մենք մենթորներին կցում ենք ՀԲԸՄ «Կին Ձեռներցներ», կամ «Կին ծրագրավորողներ» ծրագրերի շահառուների հետ, որոնք մասնագիտական աջակցության կարիք ունեն: Օրինակ՝ ՀԲԸՄ Կանանց հզորացման նախաձեռնության շահառուները ղեկավարում են տարբեր ոլորտների միկրո ձեռնարկություններ և կարող են առաջնորդություն փնտրել հետևյալ ոլորտներում.

• Սննդարդյունաբերություն
• Գյուղատնտեսություն
• Զբոսաշրջություն և հյուրընկալություն
• Նորաձևություն և զարդեր
• Առողջապահություն
• Ժամանց
• Կրթություն

Մենք խրախուսում ենք  նաև ավելի լայն հնարավորություններ և փորձ ունեցող մենթորների ներգրավվումը ծրագրում: Սփյուռքի մասնագետների ղեկավարած աշխատաժողովներն ու դասընթացները ներառում են մի շարք թեմաներ, ինչպիսիք են՝ հաղորդակցությունը, բանակցությունները, առաջնորդությունը, կոնֆլիկտների հարթումը, գործատու-աշխատակից հարաբերությունները, բիզնես ռազմավարությունները և այլն: