Scouts | AGBU

Ծառայություն

Տեղական համայնքներում ծառայելով որպես գլոբալ քաղաքացիներ

ՀԲԸՄ սկաուտները ոչ միայն սովորում են ճամբարել և արշավել, այլև իրենց նպատակակետն են դարձնում հանրային ծառայությունում և սեփական համայնքների հզորացման գործում ներգրավվելը: Մասնակցելով ամբողջ տարվա ընթացքում տեղի ունեցող տարբեր ծրագրերի, այդ թվում՝ արյունատվության, խնամքի փաթեթների հավաքման, կամավորական աշխատանքի, բարեսիրական նպատակներով գործող ճաշարաններում սպասարկումների, ինչպես նաև մարդասիրական օգնության ջանքերի, երիտասարդները գլոբալ մտածելու և տեղական մակարդակում գործելու քաջալերանք են ստանում: Մեր սկաուտները ոչ միայն հպարտությամբ ծառայում են հայ համայնքներում, այլև իրենց ժամանակն ու ջանքերը հատկացնում են տեղական նախաձեռնությունների իրականացմանը:

Առաջնորդություն

Սերմանելով հավատարմության, քաջության և աշխատասիրության արժեքներ

Իմացե՛ք ավելին

1930-ականներից ի վեր, երբ Եգիպտոսում, Լիբանանում և Սիրիայում ստեղծվում էին առաջին սկաուտական խմբերը, մեր նպատակն է եղել դաստիարակել ինքնավստահ և հոգատար առաջնորդներ:

Մշակույթ

Ինքնության հաստատում՝ համայնքի հետ հաղորդակցության միջոցով

Իմացե՛ք ավելին

ՀԲԸՄ-ի սկաուտական ծրագրերը հայ երիտասարդներին հնարավորություն են տալիս ակտիվորեն հաղորդակցվելու սեփական ինքնության, ժառանգության և մշակույթի հետ: Ինքնաբացահայտման ճանապարհին մեր սկաուտները ստեղծում են տևական ամուր բարեկամություն:

ՀԲԸՄ սկաուտական խմբեր գործում են ամբողջ աշխարհում՝ Արգենտինայում, Հայաստանում, Իրաքում, Լիբանանում, Սիրիայում, ԱՄՆ-ում և Ուրուգվայում:

Սկաուտներ

Մենք կարևորում ենք ընկերասիրությունը, ազնվությունն ու առաջնորդությունը

Մեր սկաուտները ողջ տարվա ընթացքում անհամբեր սպասում են Հայաստանի Լոռու մարզի գեղատեսիլ բնության գրկում անցկացվող ՀԲԸՄ «Անդրանիկ» սկաուտական ամենամյա բանակումին: Հարյուրավոր երիտասարդներ տարբեր երկրներից հաճելի և օգտակար ժամանակ են անցկացնում, մասնակցում արշավների: Հայրենիք կատարած այս ճամփորդությունը նրանց թույլ է տալիս նաև մասնակցել Հայաստանում ՀԲԸՄ-ի տեղական միջոցառումներին և համայնքային նախագծերին՝ ապահովելով դրական փորձառություն և ամուր կապ հայրենիքի հետ:

Ծանոթացե՛ք մեր շրջանավարտներին

For additional information about our camps, please email info@agbu.org.

Being an AGBU Scout as a child and teenager taught me principles like teamwork, patience and discipline that have all served me well in my career today.
Karma Ekmekji, Policy Consultant for UN Women
Alumna, AGBU Lebanon Scouts

ՀԲԸՄ սկաուտական շարժումը Հայաստանում

Հայաստանի անկախացումից ավելի քան երեք տասնամյակ անց, 2008թ., ՀԲԸՄ-ն Հայաստանում հիմնեց ՀԲԸՄ Հայաստանի սկաուտական խումբը՝ բաղկացած սկաուտներից, գայլիկներից, արենուշներից ու արծվիկներից: Սկաուտական խմբի գործունեությունն ու ամենշաբաթյա հավաքները ծավալվում են Մայր Աթոռ սբ. Էջմիածնի և ՀԲԸՄ-ի Արաբկիրի Հայորդյաց տանը: Սկաուտական գիտելիքները պատանիներին փոխանցվում է խմբապետական կազմի կողմից:

Սկաուտները ունենում են ժողովներ, սկաուտական շարժման էության մասին գիտելիքների փոխանցման ու բացատրական աշխատանքներ։ ՀԲԸՄ Հայաստանի սկաուտական խմբերը մասնակցում են տարեկան բանակումների՝ հատկապես ամենամյա «Անդրանիկ» սկաուտական բանակումին, բնապահպանական, տոնական, մշակութային ու բարեսիրական միջոցառումների ու փողերախմբային շքերթների: Նրանք կազմակերպում են արշավներ, հանրօգուտ աշխատանքներ, ցուցահանդեսներ, պարահանդեսներ ու տարաբնույթ միջոցառումներ: