Հայկական մշակույթի և պատմության առավել լայն ճանաչմանն ուղղված հնարավորությունների օգտագործումը մնում է ՀԲԸՄ-ի առաջնահերթությունը: Մեր համբավը բարձրորակ մշակութային բովանդակություն, առարկայական խորը փորձառություն և հայաստանյան բաղադրիչների լայն հիմքի տրամադրման իմաստով մեզ դարձնում են բարձրակարգ մշակութային ու բարեսիրական կազմակերպությունների համար համագործակցության, գործընկերության և խորհրդատվական դերերի ստանձնման հուսալի և հետևողական գործընկեր:
Մեր կենտրոնացված ջանքերն օգնում են հայկական պատմությունը՝ պատմական թե ժամանակակից, տեղավորել որպես համաշխարհային քաղաքակրթության վրա ներգործող ու առաջացող մշակութային միտումների վրա ազդող ներկայություն: Սա արտահայտվում է թանգարանային և պատկերասրահային ցուցահանդեսներով, արվեստի և կինոփառատոնների, երաժշտական և պարային ներկայացումների, ինչպես նաև այլ հարթակների միջոցով, որոնք ցուցադրում են հայկական վարպետությունը մի շարք ժանրերում: Այս կերպ հայկական հարուստ և բարդ ստեղծագործական ինքնության յուրաքանչյուր շերտ պատշաճ կերպով ինտեգրվում է ժամանակի սոցիալական հյուսվածքին:
Մենք ակտիվորեն ձգտում ենք ցուցադրել հայկական արվեստը հայտնի միջազգային փառատոներում, որոնք գրավում են տարբեր մասնակիցների: Հաճախ հիմնարկները դիմում են ՀԲԸՄ-ին իր փորձի, ֆինանսավորման և գովազդային հասանելիության հնարավորությունների համար: Այլ դեպքերում, ՀԲԸՄ-ն ուսումնասիրում է բովանդակությունը, հայտնաբերում և կապում է տաղանդներին: Մենք նաև աշխատում ենք Հայաստանի կազմակերպությունների հետ՝ երկիր բերելու համաշխարհային տաղանդներ՝ բարձրացնելու իրազեկությունը, զբոսաշրջությունն ու մշակութային փոխանակումը: Վերոհիշյալ բոլոր համագործակցությունների միջոցով ու հանրային ֆորումների և հավաքների արդյունքում բացահայտվում է հայկական մշակույթն ու արժանանում բարձր գնահատականի:
Մեր ամենաուժեղ համագործակցություններից մի քանիսը տեղի են ունենում կրթական բովանդակության և երաժշտական ծրագրավորման ոլորտներում։ Մենք մեր հսկայական ռեսուրսներով առաջարկում ենք տարրեր, որոնք ընդլայնում են լսարանի փորձը՝ մասնակիցների ժողովրդագրական պատկերն ընդլայնելու համար:
Շատ դեպքերում որոշ հաստատությունների հետ մեր համագործակցության շնորհիվ, ցուցահանդեսները համալրվում են այնպիսի նյութերով, ինչպիսիք են մեր հայտնի AGBU WebTalks շարքը: Այս թվային ռեսուրսը երաշխավորում է, որ արվեստի և մարդու ստեղծած ձեռային աշխատանքների միջոցով պատմվող պատմությունները հասնեն այն հանդիսատեսին, որն այլապես չէր կարողանա անմիջականորեն դիտել այդ աշխատանքները: Մենք նաև հնարավորություններ ենք փնտրում հայկական ավանդույթներն ինտեգրելու ավելի մեծ բազմազանության կրթական փորձի մեջ:
Մենք համագործակցությամբ հյուրընկալում ենք այնպիսի ներկայացումներ և ցուցահանդեսներ, որոնք տեղի են ունենում աշխարհահռչակ վայրերում: Այդ միջոցառումների նպատակն է բացահայտել աճող ու կայացած տաղանդներին և նրանց ներկայացնել ավելի լայն լսարանի: Վերջին միջոցառումները ներառում են հետևյալները.
Նյու Յորք, ԱՄՆ - ՀԲԸՄ-ն համաֆինանսավորել է «Արևելք-Արևմուտք» համերգը քաղաքի սրտում գտնվող այդ հիասքանչ տեսարժան վայրում: Ներկայացումը միաձուլեց հռոմեական կաթոլիկ և հայ առաքելական ավանդույթների պատարագային հնչյունները՝ գրավելով բոլոր դավանանքների բազմազան հանդիսատեսներին:
Փարիզ, Ֆրանսիա – ՀԲԸՄ-ն նպաստեց հայ կինոհսկա Սերգեյ Փարաջանովի կինեմատոգրաֆիայի գլուխգործոցների վերականգնմանը, որոնք հետագայում բացառիկ մշակութային միջոցառման շրջանակներում ցուցադրվեցին ֆրանսիական մշակութային այս տեսարժան վայրում: Նմանատիպ ծրագիր անցկացվել է Նյու Յորքի ժամանակակից արվեստի թանգարանում:
Տորոնտո, Կանադա – Համախմբելով տաղանդների, երաժիշտների և կատարողների միջազգային հույլը, այդ թվում՝ Կանադայի մանկական օպերային ընկերությունը, ներկայացրեց «Կոմիտաս. կանադական հարգանքի տուրք՝ տոնելով հայկական երաժշտության հոգին»:
Նյու Յորք, ԱՄՆ - ՀԲԸՄ-ն կազմակերպում է կինոգործիչների ամենամյա ցուցադրություն աշխարհահռչակ Lincoln կենտրոնում, որտեղ պրոդյուսերները, ռեժիսորներն ու գրողները մրցում են դեբյուտային ֆիլմերի համար և մասնակցում իրենց աշխատանքների մասին քննարկումների:
Շանհայ, Չինաստան - ՀԲԸՄ-ն իրականացրել է «Մետաքսի ճանապարհի հնչյունները. Հայաստանից Չինաստան» խորագրով մի ներկայացում, որն ընդգծում է միջնադարյան ժամանակներից սկսած մշակույթների միջև կապերը, երբ Մետաքսի ճանապարհը խթանեց առևտուրը երկու ժողովուրդների միջև:
Նյու Յորք, ԱՄՆ - ՀԲԸՄ Կատարողական արվեստների կրթաթոշակառուներն ու ՀԲԸՄ Սայաթ-Նովա երաժշտական միջազգային մրցույթի հաղթողները հրավիրվում են ցուցադրելու իրենց տաղանդները մեր երկամյա միջոցառման «Կատարող արվեստագետները համերգին», որը տեղի է ունենում Weill Recital Hall-ում:
Գործե՛ք հանուն մարդկության բարօրության: Նվիրաբերե՛ք այսօր:
