Նկար
ԹՈՒՄՈ ստեղծարար տեխնոլոգիաների կենտրոնը հետդպրոցական կրթական ծրագիր է, որը ստեղծարար մեթոդաբանության միջոցով ուսման նկատմաբ հետաքրքրություն ու պատասխանատվություն է սերմանում պատանիների շրջանակում։ Հայաստանում այս անվճար ծրագիրը բաղկացած է ինքնուսուցման միջոցառումներից, սեմինարներից և նախագծերի աշխատանոցներից, որոնք ծառայում են 14 ուսումնական նպատակների՝ անիմացիա, խաղերի և ֆիլմերի ստեղծում, կայքերի մշակում, երաժշտություն, ստեղծագրություն, նկարչություն, գրաֆիկական դիզայն, եռաչափ մոդելավորում, ծրագրավորում, ռոբոտաշինություն, շարժական գրաֆիկա, լուսանկարչություն և նոր մեդիա։
Սկզբնական փուլում ՀԲԸՄ-ն աջակցել է Գյումրիի ԹՈՒՄՈ կենտրոնի հիմնադրմանը: Միությունն առ այսօր 2015թ.-ին մեկնարկած Ստեփանակերտի ԹՈՒՄՈxAGBU կենտրոնի ինստիտուցիոնալ գործընկերն է : Յուրաքանչյուր տարի ավելի քան 1 500 պայծառ և խոստումնալից հայ երիտասարդներ զինվում են իրենց ապագան կերտելու և տարածաշրջանի երկարաժամկետ բարգավաճմանը նպաստելու համար անհրաժեշտ հմտություններով և գործիքներով:
Հայաստանյան դպրոցներում դասավանդվում են կարևոր հիմնական առարկաներ՝ մաթեմատիկա, լեզու և կենսաբանություն, իսկ ԹՈՒՄՈ-ն լրացնում է այդ կրթությունը՝ կենտրոնանալով 21-րդ դարի ռազմավարական հմտությունների վրա:
Խոստում՝ հանուն ապագայի
2021 թ. սեպտեմբերին ՀԲԸՄ-ն միացավ ԹՈՒՄՈ-ին, ստանձնելով հանձնառություն ընդլայնելու ծրագրի ցանցն ու այն դարձնելու համազգային՝ ի նպաստ Հայաստանի և Արցախի բոլոր երիտասարդների: Հիսուն միլիոն դոլար արժողությամբ այս հավակնոտ նախաձեռնությունը կապահովի, որ առանց իրենց հայրենի քաղաքներից հեռանալու անհրաժեշտության, հայ երիտասարդները ձեռք բերեն կրթություն և մասնագիտություն՝ սկսած ծրագրավորումից և ռոբոտաշինությունից, հասնելով կինոարտադրություն և դիզայն: ՀԲԸՄ-ն պարտավորվել է համալրել 10 միլիոն դոլարի միջոցները, որոնք հավաքվել էին առաջին տարվա ընթացքում:
Հայաստանյան դպրոցներում դասավանդվում են կարևոր հիմնական առարկաներ՝ մաթեմատիկա, լեզու և կենսաբանություն, իսկ ԹՈՒՄՈ-ն լրացնում է այդ կրթությունը՝ կենտրոնանալով 21-րդ դարի ռազմավարական հմտությունների վրա:
Նկար
Նկար
Նկար
Նկար
ՆՎԻՐԱԲԵՐԵ՛Ք ՀԲԸՄ-ԻՆ
Գործե՛ք հանուն մարդկության բարօրության: Նվիրաբերե՛ք այսօր:
