ԵԱ ԵՐԵՎԱՆ

ՀԲԸՄ Երիտասարդ արհեստավարժները (ԵԱ) աշխարհի տարբեր ծայրերում գտնվող ԵԱ խմբերի և աջակիցների զարգացող ցանց է, որի նպատակն է հայկական ինքնության և ժառանգության պահպանումը 22-40 տարեկան հայ երիտասարդների շրջանում:

Վարելով բաց քաղաքականություն` ԵԱ-ների համաշխարհային ցանցը խրախուսում է երիտասարդներին ընդգրկվել և ներգրավվել իր գործունեության մեջ և արդեն իսկ ձեռք է բերել միջազգային ճանաչում համայնքային կյանքի և ազգային պատկանելության զգացումների տարածման համար:

Այսօր ՀԲԸՄ երիտասարդ արհեստավարժներն իրենց տեսակի մեջ հանդիսանում են ամենամեծ հայկական ԵԱ ցանցը:

Փորձելով ապահովել դրական տեղաշարժեր` ԵԱ շարժումը սկիզբ առավ 1995թ.-ին` հիմնելով իր առաջին խումբը Լոս Անջելեսում:

Այդ օրվանից ի վեր ցանցն ընդլայնվել է` կազմավորելով խմբեր Հյուսիսային Կալիֆորնիայում, Նյու Յորքում, Օրինջ Քաունթիում, Լիբանանում, Ֆիլադելֆիայում, Փարիզում, Պլովդիվում, ՍոֆիայումԲոստոնում, Տորոնտոյում, Լոնդոնում, Երևանում, Ավստրիայում, ԲրազիլիայումՎաշինգտոնումԲուենոս Աերեսում, Մոնրեալում, Համբուրգում, Միացյալ Արաբական Էմիրություններում, Մարսելում, և Չիկագոյում` համագործակցելով Մոսկվայում գործող ՍԻՎԱՄ և Ֆրանկֆուրտում գործող ՀԱՅՔ կազմակերպությունների հետ.

ՀԲԸՄ Երիտասարդ Արհեստավարժների խմբին միանալու համար լրացրեք գրանցման թերթիկը :


 

ՀԲԸՄ ԵԱ-ՆԵՐԻ ՆՈՐ ԾՐԱԳԻՐԸ ԽԱՉԻԿ ԳՅՈՒՂՈՒՄ

Ապրիլի 10-ին, ՀԲԸՄ երիտասարդ արհեստավարժների Երևանյան թիմը, նախագահ Հարություն Պողոսյանի, CARD-ի ագրոզարգացման գծով համակարգող Աննա Կարապետյանի և ՀՀ բնապահպանության նախարա-րության աշխատակից Վահագն Սարգսյանի գլխավորությամբ, մեկնեց Վայոց Ձորի Խաչիկ գյուղ իրականացնելու իրենց հաջորդ, այս անգամ արդեն բնապահպանական նախաձեռնությունը: Գյուղի վերակառուցվող հինավուրց եկեղեցու հարևանությամբ կազմակերպվեց ծառատունկ, որին, բացի ՀԲԸՄ ԵԱ-ներից և CARD-ի աշխատակիցներից, մասնակցեցին նաև գյուղի երիտասարդները` գյուղապետ Վաչիկի գլխա-վորությամբ: Ծրագրի համար ՀՀ բնապահպանության նախարարու-թյունը տրամադրել էր 95 տնկի: Նախաձեռնության նպատակն էր ակտիվացնել գյուղական կյանքը, խրախուսել երիտասարդությանն ավելի ուշադիր և սրտացավ լինել շրջապատի հանդեպ, նրանց կապել հայրենի բնակավայրին և ՀԲԸՄ ԵԱ-ների կողմից ստեղծված տարածքն ապագայում օգտագործել որպես եկամտի աղբյուր: Գյուղի բնակիչներն իրենց շնորհակալական խոսքն ուղղեցին նախաձեռնության հեղինակներին` հույս հայտնելով, որ նման ծրագրերը շարունակական կլինեն: ՀԲԸՄ ԵԱ-ներն իրենց հերթին խոստացան հետևողական լինել իրենց որդեգրած քաղաքականության և ծրագրերի իրականացման հարցում: Նախիջևանից մի քանի կիլոմետր հեռու գտնվող Խաչիկ գյուղը համարվում է ռազմավարական նշանակություն ունեցող գյուղ, որը գրեթե ամբողջովին անուշադրության է մատնված: ՀԲԸՄ ԵԱ-ների այս նախաձեռնությունն այսքանով չի սահմանափակվում: Ծրագրի 2-րդ փուլում այս տարածքում կտեղադրվեն նաև նստարաններ, խաղահրապարակ, ժամանցի այլ հարմարություններ:

 

 

FAQ header 1

 

end faq

 
Դուք այստեղ եք՝ Home ԵԱ ԵՐԵՎԱՆ ՀԲԸՄ ԵԱ-ՆԵՐԻ ՆՈՐ ԾՐԱԳԻՐԸ ԽԱՉԻԿ ԳՅՈՒՂՈՒՄ

Շնորհակալություն բաժանորդագրվելու համար: