ԵԱ ԵՐԵՎԱՆ

ՀԲԸՄ Երիտասարդ արհեստավարժները (ԵԱ) աշխարհի տարբեր ծայրերում գտնվող ԵԱ խմբերի և աջակիցների զարգացող ցանց է, որի նպատակն է հայկական ինքնության և ժառանգության պահպանումը 22-40 տարեկան հայ երիտասարդների շրջանում:

Վարելով բաց քաղաքականություն` ԵԱ-ների համաշխարհային ցանցը խրախուսում է երիտասարդներին ընդգրկվել և ներգրավվել իր գործունեության մեջ և արդեն իսկ ձեռք է բերել միջազգային ճանաչում համայնքային կյանքի և ազգային պատկանելության զգացումների տարածման համար:

Այսօր ՀԲԸՄ երիտասարդ արհեստավարժներն իրենց տեսակի մեջ հանդիսանում են ամենամեծ հայկական ԵԱ ցանցը:

Փորձելով ապահովել դրական տեղաշարժեր` ԵԱ շարժումը սկիզբ առավ 1995թ.-ին` հիմնելով իր առաջին խումբը Լոս Անջելեսում:

Այդ օրվանից ի վեր ցանցն ընդլայնվել է` կազմավորելով խմբեր Հյուսիսային Կալիֆորնիայում, Նյու Յորքում, Օրինջ Քաունթիում, Լիբանանում, Ֆիլադելֆիայում, Փարիզում, Պլովդիվում, ՍոֆիայումԲոստոնում, Տորոնտոյում, Լոնդոնում, Երևանում, Ավստրիայում, ԲրազիլիայումՎաշինգտոնումԲուենոս Աերեսում, Մոնրեալում, Համբուրգում, Միացյալ Արաբական Էմիրություններում, Մարսելում, և Չիկագոյում` համագործակցելով Մոսկվայում գործող ՍԻՎԱՄ և Ֆրանկֆուրտում գործող ՀԱՅՔ կազմակերպությունների հետ.

ՀԲԸՄ Երիտասարդ Արհեստավարժների խմբին միանալու համար լրացրեք գրանցման թերթիկը :


 

ՀԲԸՄ ՀԱՄԱԵՐԻՏԱՍԱՐԴԱԿԱՆ ԾՐԱԳԻՐԸ ՀԱՄԱԽՄԲՈՒՄ Է ԵՐԻՏԱՍԱՐԴ ԱՐՀԵՍՏԱՎԱՐԺՆԵՐԻՆ ՈՂՋ ԱՇԽԱՐՀԻՑ

2010թ. ապրիլ ամսին մեկնարկեց ՀԲԸՄ համաերիտասարդական ծրագրի առաջին փուլը, CARD կազմակերպության հետ համատեղ և ՀԲԸՄ Բուենոս Այրեսի, Բրազիլիայի, Նյու Յորքի, Լոս Անջելոսի, Մարսելի, Հյուսիսային Կալիֆորնիայի, Ֆիլադելֆիայի, Տորոնտոյի և Ֆրանկֆուրտի Երիտասարդ Արհեստավարժների խմբերի աջակցությամբ: Վայոց Ձորի Խաչիկ գյուղում իրականացվելիք բնապահպանական ծրագիրը համախմբել էր ՀԲԸՄ-ի երիտասարդ արհեստավարժներին աշխարհի տարբեր ծայրերից: Գյուղի հինավուրց եկեղեցու հարևանությամբ ՀԲԸՄ ԵԱ Երևանի խումբը, CARD-ի ներկայացուցիչները, գյուղացիներն ու այլ հրավիրված հյուրեր իրականացրին ծառատունկ, որի համար ՀՀ բնապահպանության նախարարությունը տրամադրել էր 95 տնկի: Նախաձեռնության նպատակն էր ակտիվացնել գյուղական կյանքը, խրախուսել երիտասարդությանն ավելի ուշադիր և սրտացավ լինել շրջապատի հանդեպ, նրանց կապել հայրենի բնակավայրին և ստեղծված տարածքն օգտագործել որպես եկամտի աղբյուր: Հոկտեմբերի 23-ին ՀԲԸՄ ԵԱ Երևանյան խումբը կրկին մեկնեց Խաչիկ իրականացնելու ծրագրի խոստացված 2-րդ փուլը: Վերոհիշյալ տարածքում այս անգամ ԵԱ-ները տեղադրեցին 17 փայտյա նստարաններ, 3 փայտյա սեղաններ, բացօթյա խոհանոց իր 2 սեղաններով և լվացարանով: Արդյունքում, այսօր Խաչիկցիներն ունեն նոր, գեղեցիկ և մաքուր այգի, որտեղ կարող են ժամանակ անցկացնել թե՛ մեծերը և թե՛ փոքրերը, և որը կօգնի գյուղին բարելավել իր տնտեսական վիճակը, զարգացնել ագրոտուրիզմը, կազմակերպել գյու-ղատնտեսական տարբեր փառատոններ ու տոնա-վաճառներ:

 

 

FAQ header 1

 

end faq

 
Դուք այստեղ եք՝ Home ԵԱ ԵՐԵՎԱՆ ՀԲԸՄ ՀԱՄԱԵՐԻՏԱՍԱՐԴԱԿԱՆ ԾՐԱԳԻՐԸ ՀԱՄԱԽՄԲՈՒՄ Է ԵՐԻՏԱՍԱՐԴ ԱՐՀԵՍՏԱՎԱՐԺՆԵՐԻՆ ՈՂՋ ԱՇԽԱՐՀԻՑ

Շնորհակալություն բաժանորդագրվելու համար: