Նկար
ՀԲԸՄ «ԱՆԻ» լեզվի ուսուցման ծրագրի մասնակիցները Հայաստանի աշխատաշուկայի նոր և խոստումնալից սերունդն են՝ լի կամքի ուժի, վերելքի և հաջողության պատմություններով։ Նրանց թվում են աշխատաշուկա վերադարձող կանայք, սեփական ապագան վերակառուցող արցախցիներ և մասնագետներ, ովքեր ձգտում են կատարելագործել իրենց հմտությունները։ Եվ այս համայնքն ընդլայնվում է ամեն ամիս։
«ԱՆԻ» լեզվի ուսուցման ծրագիրն ընդլայնում է մասնակիցների հնարավորությունները՝ աշխատելու միջազգային հարթակներում և առաջխաղացնելու իրենց բիզնեսը անգլիախոս շուկաներում:
Ովքե՞ր են մեր մենթիները
ՀԲԸՄ Հայաստանն իրականացնում է բազմաթիվ ծրագրեր, որոնց մասնակիցներն օգտվում են «ԱՆԻ» լեզվի ուսուցման ծրագրից։ Ծրագրի ընդլայնմանը զուգընթաց՝ շահառուների ցանկը շարունակաբար աճում է. այսօր այն արդեն ներառում է նաև մեր գործընկեր կազմակերպությունների ներկայացուցիչներին, ինչպես նաև ՀՀ պետական համակարգի մասնագետներին։
