ԱՐՑԱԽԻ ՕԳՆՈՒԹՅՈՒՆ

Արցախում ստեղծված մարդասիրական ճգնաժամին ի պատասխան՝ ՀԲԸՄ-ն արագորեն համախմբվեց տեղահանված հայերին աջակցելու նպատակով: Համագործակցելով միջազգային կազմակերպությունների հետ, այդ թվում՝ World Central Kitchen-ի, հրատապ օգնություն ցուցաբերեց տասնյակ հազարավոր մարդկանց: Բացի այդ, առաջնահերթություն է տրվել առողջապահական և հոգեբանական աջակցությանը, որը մատուցվել է 2020 թվականից ի վեր ՀԲԸՄ-ի՝ ընտանեկան բարեկեցությանն ուղղված շարունակական ծրագրերի՝ «Կլաուդիա Նազարյան» բժշկական կենտրոնի և «Նաիրի» ճամբարի շրջանակներում:

ՀԲԸՄ-ն վերահաստատեց իր հանձնառությունը՝ նպաստելու Հայաստանում արցախցիների երկարաժամկետ վերաբնակեցման ու ինտեգրման գործընթացին՝ իր կրթության աջակցության և մասնագիտական ուսուցման «Սովորի՛ր և վաստակի՛ր. Արցախ» ծրագրի (LEAP) վերաթողարկմամբ: 

Այս ջանքերը համալրվում են ՀԲԸՄ-ի «Բարեգործական ուրբաթ» մարդասիրական նախաձեռնությամբ, որը ներգրավում է տեղացի և միջազգային կամավորների՝ Արցախից տեղահանված հայերին սննդի և առաջին անհրաժեշտության պարագաների մեծածավալ բաշխումներ իրականացնելու համար:

ՀԲԸՄ «Կլաուդիա Նազարյան» բժշկական կենտրոն

2024 թվականից ՀԲԸՄ «Կլաուդիա Նազարյան» բժշկական կենտրոնն անվճար բուժօգնություն է տրամադրում Արցախից տեղահանված ընտանիքներին։ Մինչ օրս կենտրոնը սպասարկել է ավելի քան 3000 անձի՝ տրամադրելով համապարփակ մասնագիտական խորհրդատվություն և բուժում ե­րե­խա­նե­րի և ­մե­ծա­հա­սակ­նե­րի հա­մար: Այս­տեղ աշ­խա­տում են փոր­ձա­ռու բժիշկ­ներ Սի­րիա­յից և­ Ար­ցա­խից՝ սրտա­բան, ակ­նա­բույժ, ՔԿԱ բժիշկ, գի­նե­կո­լոգ, ման­կա­բույժ և ­հո­գե­բան:

ՀԲԸՄ «Սովորի՛ր և վաստակի՛ր. Արցախ»

ՀԲԸՄ «Սովորի՛ր և վաստակի՛ր. Արցախ»-ը մասնագիտական զարգացման համապարփակ ծրագիր է, որի նպատակն է բռնի տեղահանված արցախահայությանն ապահովել մասնագիտական խորհրդատվության, վերապատրաստման և նոր հմտություններ ձեռք բերելու հնարավորություններով։ Վերապատրաստումից հետո շահառուները ՀԲԸՄ-ի աշխատանքի տոնավաճառների միջոցով կծանոթանան աշխատանքի կամ սեփական գործը սկսելու հեռանկարներին։ Ընդհանուր առմամբ ծրագրից օգտվել է ավելի քան 3980 շահառու։