ՀԲԸՄ հայորդյաց տներ

ՀԲԸՄ-ի և Մայր Աթոռ Սուրբ Էջմիածնի երկարամյա համատեղ նախաձեռնությունը հանդիսացող Նորքի, Մալաթիայի և Արաբկիրի* հայորդյաց տներն արդեն գործում են ավելի քան քսան տարի: Հետդպրոցական այս ծրագրի միջոցով երեխաներն ու պատանիները նվիրվում են արվեստին և մարմնամարզությանը, երաժշտությանը, պարին, տեսողական արվեստին, մարտարվեստին, լողին և այլ ուղղություններին: Նրանց համար կազմակերպվում են նաև լեզվի, պատմության, կրոնի ուսուցման և համակարգչային տեխնոլոգիաների դասընթացներ:

Հայորդյաց տներ երեխաները կարող են այցելել սկսած 5 տարեկանից, որտեղ գործում են հետևյալ դասարանները՝ Դիզայն, Գոբելեն, Մաքրամե, Գորգագործություն, Փայտի գեղարվեստական մշակում, Խեցեգործություն, Նկարչություն, Երգչախումբ, Ազգագրական երգ-պար, Ժողովրդական պար, Դհոլ, Հարվածային գործիքներ, Կրկես, Սամբո, Ձյուդո, Շախմատ, Անգլերեն, Դաշնամուր և այլն:

Ավելի քան 1700 ուսանող ամեն տարի հոգատար և ուշադիր ուսուցիչների հսկողության ներքո օգտվում է արտադպրոցական ծրագրից, որը վստահություն է ներշնչում, խթանում ստեղծարարությունն ու դրականորեն ազդում յուրաքանչյուր երեխայի ընդհանուր բարեկեցության վրա: Ծրագրվում է առաջիկա մի քանի տարվա ընթացքում սաների թիվը հասցնել 4000-ի: ՀԲԸՄ-ն հանձնառություն է վերցրել հետդպրոցական ուսուցման այս ծրագիրը դարձնել Հայաստանում երիտասարդության ապագայի համար նախատեսված կարևորագույն  ներդրումներից մեկը:

* Մայր Աթոռը Սուրբ Էջմիածինը ղեկավարում է նաև այլ աղբյուրներից ֆինանսավորվող  հայորդյաց տներ Վանաձորում և Էջմիածնում:

Հետևե՛ք ՀԲԸՄ-Մայր Աթոռ Սբ. Էջմիածնի Հայորդյաց տների գործունեությանը սոցիալական հարթակներում.

Արաբկիրի Հայորդյաց տուն

Մալաթիայի Հայորդյաց տուն

Նորքի Հայորդյաց տուն