Մշակույթ

Հայկական մշակույթն ավելի լայն լսարաններին հասցնելու համար տեղական և համաշխարհային մակարդակով համագործակցում ենք այնպիսի հաստատությունների հետ, ինչպիսիք են՝ Մետրոպոլիտան արվեստի թանգարանը, Սմիթսոնյան ինստիտուտը, Ժամանակակից արվեստի թանգարանն ու Ֆրանկոֆոնիայի փառատոնը: Այս հաստատությունները արժևորում են հայերի ներդրումը քաղաքակրթության մեջ՝ ավանդականից մինչև ժամանակակից ու փորձարարական: Մենք նաև ձեռնամուխ եղանք «Կատապուլտ» ստեղծարար աքսելերացիոն ծրագրի մեկնարկին՝ հայկական մշակույթն աշխարհում տարածելու նպատակով:

Մենք աջակցում ենք հայկական հաստատությունների ամենատարբեր նախաձեռնություններին, որոնք առաջ են մղում մեր մշակույթը, ինչպիսիք են` Մայր Աթոռ Սուրբ Էջմիածինը, Մատենադարանը, Հայաստանի ազգային ֆիլհարմոնիկ և Արցախի կամերային նվագախմբերը: Որպես մեր մշակութային ժառանգության կրողներ՝ նրանց տրամադրում ենք բազմաբնույթ ձեռնարկների շարունակականությունն ապահովելուն ուղղված աջակցություն:

ՀԲԸՄ-ի Կատարողական արվեստների բաժինն արժեքավոր հնարավորություններ է ընձեռում նորահայտ հայ տաղանդներին՝ բարելավելու իրենց մասնագիտական հմտությունները. հանրահայտ բեմերում ելույթ ունենալու հնարավորություններից մինչև մենթորություն՝ Ստեղծարար Հայաստան-ՀԲԸՄ կրթաթոշակային ծրագրի շրջանակներում, Սայաթ Նովա երաժշտական միջազգային մրցույթին և ՀԲԸՄ կատարողական արվեստի կրթաթոշակ:

ՀԲԸՄ-ն գիտակցում է, որ յուրաքանչյուր հայկական համայնք նոր հայացք է առաջարկում հայկական մշակութային թեմաներով՝ ելնելով սերունդների, տեղանքի ու տարածաշրջանի ազդեցությունից: Մենք աջակցում ենք համայնքային արվեստի բազմաթիվ նախաձեռնությունների՝ սկսած թատերական խմբերից, պարախմբերից, երգչախմբերից, նվագախմբերից մինչև տեսողական արվեստի հավաքածուներ ու այդ ամենը՝ հայի ստեղծարար ու կենսունակ ոգին հավերժ պահպանելու համար: