Բացահայտի՛ր Հայաստանը

Ծրագիրը նախատեսված է սփյուռքում բնակվող երիտասարդների համար:

Իր կենդանի պատմությամբ և ավանդույթներով, հիասքանչ բնապատկերներով ու անզուգական հյուրընկալությամբ դյուրին է Հայաստանը դարձնել ձեր գարնանային ու ամառային արկածների գլխավոր ուղղությունը: Բացահայտեք, թե ինչն է յուրահատուկ դարձնում հայրենիքը՝ միևնույն ժամանակ հանդիպելով աշխարհի տարբեր ծայրերից ժամանող ձեր հասակակիցներին: Դուք կբացահայտեք հնագույն հուշարձաններն ու մշակութային կոթողները, նոր և հետաքրքիր ձևերով կզգաք ազգային հարուստ ժառանգության ներգործությունն ու դրանք բովանդակալից նախագծերի միջոցով անպայման կփոխանցեք ուրիշներին:

 Միացե՛ք 15-18 տարեկան սփյուռքահայ պատանիներին՝ Հայաստանի տարբեր մարզերով 10-օրյա կամ 3-շաբաթյա եզակի ճանապարհորդության համար: Տեղերը սահմանափակ են։

Մենք առաջարկում ենք տարբեր ոլորտներում կամավորական աշխատանք, որը հնարավորություն է տալիս խոր կապ ստեղծել հայրենիքի և նրա ժողովրդի հետ։ Անկախ նրանից՝ աջակցում եք ՀԲԸՄ-ի ինտեգրման ծրագրերի միջոցով Արցախից տեղահանված երեխաներին և ընտանիքներին, օգնում գյուղական համայնքների վերանորոգման և շինարարական աշխատանքներին, մասնակցում բնապահպանական մաքրման նախաձեռնություններին կամ անհրաժեշտ օգնություն եք տրամադրում կարիքավորներին, յուրաքանչյուր ծրագիր յուրահատուկ հնարավորություն է թիմային աշխատանքի, անձնական զարգացման և անմոռանալի հուշերի համար։

Դարձի՛ր փոփոխության կրող՝ թողնելով քո դրական հետքը  և ձեռք բերելով ընկերներ ողջ կյանքի համար։ 

         Վաստակե՛ք ընդհանուր առմամբ 20 կամ 60 ժամ համայնքային ծառայության միավոր:

Ձեր 10-օրյա կամ 3 շաբաթյա կեցության ընթացքում խորասուզվե՛ք հայկական մշակույթի, ավանդույթների և ոգեշնչող վայրերի մեջ: Ծրագիրն առաջարկում է շրջապտույտների ու զվարճանքի պահերի կատարյալ հավասարակշռություն՝ ճանապարհորդություն դեպի գեղատեսիլ վայրեր, որոնք հավերժ կմնան ձեր հիշողություններում:

Ամառային հատկանշական իրադարձություններից է դեպի Հայաստանի ամենաբարձր՝ Արագած լեռ խմբային արշավը, Սևանա լճում նավարկումն ու լողալը, զիփլայնով Իջևանի չքնաղ լեռներով արկածային ժամանցը, աշխարհի ամենաերկար ճոպանուղով դեպի Տաթևի վանք ուղևորությունը, խաչքարի փորագրության կամ ավանդական գեղագրության և այլ արվեստների հետ ծանոթացումը: Լիարժեք ու հետաքրքիր փորձառություն ապահովելու համար ծրագիրը ներառում է նաև խոհարարության և պարի դասընթացներ, ինչպես նաև սպորտային և բացօթյա միջոցառումներ:

Մասնակիցները նաև հնարավորություն կունենան հանդիպելու տեղի բարձրաստիճան պաշտոնյաների և հայտնի մասնագետների հետ՝ առավել խորը պատկերացումներ ձեռք բերելով Հայաստանի ժառանգության, պատմության և ժամանակակից նվաճումների մասին: