«Կորիզ» առաջնորդության զարգացում

ԿՈՐԻԶ-ը առաջնորդության զարգացում ծրագիրը ՀԲԸՄ Եվրոպայի նախաձեռնությունն է, որի նպատակն է բացահայտել, վերապատրաստել և մասնագիտական ​​աջակցություն ցուցաբերել ապագա հայ առաջնորդներին: Այս ծրագիրը կոչված է տաղանդավոր հայերին զինել այնպիսի հմտություններով, որոնք անհրաժեշտ են իրենց անձնական, մասնագիտական, համայնքային և հասարակական կյանքի մարտահրավերները դիմակայելու և հաղթահարելու համար:

Համաշխարհային մակարդակի առաջնորդների վերապատրաստման լավագույն փորձի կրկնօրինակմամբ՝ ծրագրի  յուրաքանչյուր շրջանում  30 երիտասարդ մասնագետ մեկնում է 6-ամսյա ճամփորդության, որը ներառում է մի շարք դասընթացներ, աշխատաժողովներ, գործընկերների միջև փոխանակումներ, ուսումնական այցեր և ցանցային կապեր: Մասնակիցները  հնարավորություն են ունենում ներդաշնակության և աճի, ինչպես նաև շփվում են տարբեր ոլորտներում համաշխարհային մակարդակի առաջնորդների հետ, որոնք բոլորն էլ իրենց հայկական ինքնությունն ընդունող օրինակելի ակտիվ քաղաքացիներ են:

ԿՈՐԻԶ-ը ներկայումս դիմումներ չի ընդունում: Խնդրում ենք հետագա շրջանի մասին տեղեկությունների համար ստուգել ավելի ուշ:

«Կորիզ»-ի ցանցն ու նրա ազդեցությունը

2009 թ. ի վեր «Կորիզ»-ի շրջանավարտների ցանցում են ներառվել տարբեր մասնագիտություններով հարյուրավոր անհատներ Եվրոպայից, ԱՄՆ-ից և Հայաստանից:

Առաջնորդական վերապատրաստման ընթացքում ձեռք բերված փորձի միջոցով, ծրագրի շրջանավարտների ցանցի նպատակն է ազդեցություն ունենալ ինչպես տեղական, այնպես էլ գլոբալ մակարդակներում: Շրջանավարտները քաջալերվում և մոբիլիզացվում են անհատական ​​կամ խմբային նախաձեռնությունների միջոցով՝ նպաստելու Հայաստանի զարգացմանն ու ծառայելու որպես հայության դեսպաններ իրենց երկրում:

Արցախյան 44-օրյա պատերազմի ժամանակ մեկնարկած YERIA նախաձեռնությունը (Եվրոպայի երիտասարդությունը՝ հանուն Արցախի ճանաչման) հավաքել էր 40 եվրոպացիներից բաղկացած պատվիրակություն՝ կազմված հիմնականում «Կորիզ»-ի շրջանավարտներից, ինչպես նաև լրագրողներից և հասարակական գործիչներից: Պատվիրակությունը մեկնեց Հայաստան և Արցախ՝ տեղում մարդասիրական և քաղաքական իրավիճակի վերաբերյալ տեղական իշխանությունների և միջազգային հանրության իրազեկվածությունը բարձրացնելու նպատակով։

Որպես մեկ այլ օրինակ, հիշենք ՀԲԸՄ-EUDiF նախաձեռնությունը  (EU Global Diaspora Facility), որը «Կորիզ»-ի սփյուռքի շրջանավարտների ցանցից իրենց փորձը Հայաստանի ՀԲԸՄ կին ձեռներեցների հետ կիսող մենթորների է հավաքագրել: 

Ծրագիրը

Հայերը հնարավորություն ունեն առավելագույնս օգտագործել իրենց համաշխարհային ներկայությունը՝ հաջողության հասնելով իրենց մասնագիտական բնագավառում՝ միաժամանակ խթանելով Հայաստանի և Արցախի մշակույթը, պատմությունն ու ապահովելով նրանց բարգավաճումը: ՀԲԸՄ «ԿՈՐԻԶ» ծրագիրը բացահայտում է երիտասարդ մասնագետների, որոնք պատրաստ են արագացնել իրենց մասնագիտական աճը, իսկ ծրագիրը նրանց տալիս է անհրաժեշտ հմտություններ, որը նրանց օրինակելի է դարձնում հասակակիցների համար:

«ԿՈՐԻԶ»-ի մասնակիցները խորացնում են կապերը Հայաստանի և սփյուռքի միջև՝ ապագա առաջնորդներին տրամադրելով անհրաժեշտ գործիքներ և մեթոդաբանություն՝ հօգուտ Հայաստանի  և Հայաստանի հետ հաջող ծրագրեր մշակելու նպատակով: «ԿՈՐԻԶ»- ի ցանցը ստեղծում և աջակցում է տոկուն և խելամիտ առաջնորդների, որոնք էական նշանակություն ունեն գլոբալ հայ ազգի ներուժը խթանելու գործում:

Եվրոպայի և Հայաստանի տարբեր վայրերում անցկացվող սեմինարները ներառում են մի շարք միջոցառումներ.

• դասախոսություններ՝ թեմատիկ փորձագետների կողմից,
• որձարարական սեմինարներ,
• Հայաստանի համար ծրագրերի մշակում,
• սոցիալական հավաքներ,
• հանդիպումներ համայնքների ղեկավարների/բարձրաստիճան պաշտոնյաների հետ,
• մասնագիտական այցելություններ:

Նախկին դասախոսներ և խորհրդատուներ

«ԿՈՐԻԶ»-ի մասնակիցները սովորում են տարբեր մասնագիտությունների տեր առաջնորդներից՝ հետապնդելով մեկ ընդհանուր նպատակ՝ նպաստել հայ ազգի բարգավաճմանը: