Հայաստանը հպարտանում է աշխարհի ամենաժամանակակից իր արվեստագետներով և մշակույթ ձևավորողներով: Մարդկային կապիտալի և տաղանդի ներուժն առավելագույնի հասցնելու նպատակով ՀԲԸՄ Հայաստանը, համագործակցելով Creative Armenia-ի հետ, և Եվրոպական միության ֆինանսավորմամբ իրականացրեց «Կատապուլտ» ստեղծարար աքսելերացիոն ծրագիրը:
Նպատակ հետապնդելով խթանել ստեղծարար և մշակութային ոլորտների էկոհամակարգը Հայաստանում՝ «Կատապուլտ»-ը միտված էր հզորացնել ստեղծագործ մասնագետներին՝ տրամադրելով կրթություն, ձեռնարկատիրական հմտություններ և տեսանելիություն, ինչպես նաև լրացնում առկա ծառայությունների, տեխնոլոգիաների, հաստատությունների և ենթակառուցվածքների բացերը՝ ապահովելու կայուն և բարգավաճ մշակութային արդյունաբերություն:
Ստեղծարար արտադրանքի և տաղանդների խթանումը կարևոր է նոր հնարավորություններ և շուկաներ բացելու տեսակետից: «Կատապուլտ տաղավար»-ը ամենամյա ցուցահանդեսներ բացեց Հայաստանում և արտասահմանում՝ գրավելով միջազգային լսարանների ուշադրությունը: Իսկ Katapult Talks առցանց գագաթնաժողովը մեկ հարկի տակ հավաքեց ստեղծարար փորձագետներին՝ կիսվելու փորձով և պատկերացումներով, թե ինչպես Հայաստանում կառուցել կայուն և բարգավաճ ստեղծագործական արդյունաբերություն:
«Կատապուլտ»-ն աջակցեց մինչև 135 մշակութային ստեղծագործների՝ Creative Armenia-ի կողմից մշակված և իրականացվող «Artbox» մշակութային ինկուբատորի միջոցով ներդրումներ կատարելով և զարգացնելով առնվազն 60 բիզնես գաղափարներ: Առաջարկելով փորձագիտական կարծիքներ բիզնեսի նախագծման, նախագծերի կառավարման, մարքեթինգի և այլ ոլորտներում՝ դրամաշնորհառուները հնարավորություն ստացան որպես մշակութային բիզնեսներ ներկայացնելու և պահպանելու հայեցակարգերը:
Հայաստանում մշակութային հաստատությունների տեխնիկական և գործառնական արդիականացմանն աջակցելու նպատակով ենթակառուցվածքային ներդրումները ֆինանսավորվեցին «Կատապուլտ» ստեղծարար դրամաշնորհի միջոցով: Բացի այդ, Շիրակի, Երևանի և Սյունիքի 3 «Artbox Hubs»-երի միջոցով տեղական հաստատությունները վերածվեցին մշակութային թեժ կետերի: «Կատապուլտ»-ը ներկայացրեց առաջին FabLab-ը Հայաստանում՝ խթանելով թվային նախատիպերը և նորարարությունը:
Կլոր սեղանի քննարկումների և ստեղծագործական ու մշակութային ոլորտների խորհրդի ստեղծման միջոցով, ինչպես նաև ոլորտը և օրենսդրական փոփոխությունները պաշտպանելու նպատակով «Կատապուլտ»-ը ստեղծեց պետություն-մասնավոր երկխոսության հարթակներ՝ խորհրդարանին առաջարկելով ոլորտի կայունության բարելավման 4 կոնկրետ բարեփոխումներ: Խորհուրդը ձևավորվեց որպես ուղիղ ժողովրդավարության առցանց հարթակ:
ԱՍԱ Ֆորումը համախմբեց ստեղծարար ոլորտի ներկայացուցիչներին՝ փորձի փոխանակման և մասնագիտական քննարկումների հարթակ մատուցելով ոլորտի տեղացի և միջազգային փորձագետներին։ Տեղի ունեցան պանելային 2 քննարկումներ, քննարկվեցին նաև մշակութային ներդրումներին առնչվող հարցեր:
Հայաստանում Textile Academy 2024 Bootcamp-ի շրջանակում սպասվում է միջազգային և հայ փորձագետների հետ գործնական սեմինարների ինտենսիվ շաբաթ: Գյումրու գեղարվեստի պետական ակադեմիայում շուտով կբացվի FabLab-ը:
Տվյալներից անդին նախաձեռնությունը հրավիրում է ութ արվեստագետների և արվեստի կոլեկտիվների՝ մեկնաբանելու ՀԲԸՄ Կատապուլտի շրջանակներում վերջերս լույս տեսած հետազոտությունը՝ Հայաստանի ստեղծարար տնտեսության վերաբերյալ։
Մարտի 9-11-ը ՀԲԸՄ-ն, ՀՀ ԿԳՄՍ նախարարությունը, ArtNexus-ը և «Կատապուլտ» ծրագիրը Աղվերանում համատեղ կազմակերպել էին «Արվեստի գործերի տեղադրում և տեղափոխում» թեմայով աշխատաժողով՝ արվեստի կառավարիչների և հարակից ոլորտների մասնագետների համար:
Limited Edition Art Fair 2024-ում ներկայացնում ենք հայ տաղանդների՝ տպագրության, քանդակագործության, խեցեգործության և տեքստիլ արվեստի բնագավառներից։ Այս ծրագիրը համագործակցություն է The Main Design Store վաճառասրահի հետ։
Հունվարի 17-ին հյուրընկալեցինք զրույց երաժշտության արտահանման և հեղինակային իրավունքի թեմայով։ Ուսումնասիրեցինք հեղինակային իրավունքի սիմֆոնիան արդի ժամանակներում։ «Կատապուլտ զրույցներ»-ն իրականացվում է ՀԲԸՄ-ի կողմից՝ ԵՄ-ի և ArtNexus-ի աջակցությամբ։
Մտավոր սեփականության իրավունքի հայ իրավաբանների ասոցիացիան համագործակցում է Կատապուլտի հետ՝ ՄՍ շահառուների համար կազմակերպելով վերապատրաստումներ։ Նպատակն է՝ ամրապնդել իրավագիտակցությունը ստեղծարարության ոլորտի գործիչների շրջանում:
Տեղի ունեցավ վիրտուալ զրույց՝ Թվային դարաշրջանում ազգային մշակութային հաստատությունների և գործակալությունների առջև ծառացած մարտահրավերների թեմայով։ Ուսումնասիրեցինք, թե ինչպես կարող են նրանք ձևավորել արդյունավետ թվային կառավարում:
Ոգևորիչ դեբյուտ WOMEX' 23 փառատոնում․ 90-ից ավելի երկրներ ներկայացնող 2600-ից ավելի պրոֆեսիոնալ երաժիշտներ հավաքվել էին Իսպանիայի Կորունյա քաղաքում։ Կատապուլտը ներկայացնում էր 20-ից ավելի հայ տաղանդների։ Հիշարժան էր JINJ խմբի ելույթը։
Ստեղծարար գործունեություն ծավալողների համար անցկացվեց աշխատաժողովների դրամաշնորհների հայտեր պատրաստելու վերաբերյալ։ Մասնակիցներն ուսումնասիրեցին արվեստի գծով դրամաշնորհների համար դիմելու առանձնահատկությունները։
Կատապուլտը և FabLab-ը ներկայացրին «Կենդանի արվեստ» ծրագրի արդյունքները: Արհեստական բանականության և թվային արվեստի մասնագետ Ֆլորան Ազիօսմանոֆֆի ղեկավարությամբ 10 արվեստագետներ փորձեցին գտնել տեխնոլոգիաներն իրենց աշխատանքներոմ ինտեգրելու եղանակներ։
MEDS-ն անցկացվեց Գյումրիում՝ «Արխաշարժ» թեմայով։ Ներկայացվեց 8 ֆիզիկական և 2 տեսողական մշակումներ, որոնցից «ՀԱՅ» նախագիծը հովանավորվում է «Կատապուլտ» ծրագրի կողմից: Այն կապում է երիտասարդ դիզայներներին գյուղատնտեսության և ավանդական արհեստների հետ։
Միացե՛ք «Կատապուլտ զրուցարան»-ին՝ արվեստի ասպարեզում դրամաշնորհների հարցերով շվեդական կոմիտեի, Գալուստ Գյուլբենկյան հիմնադրամի և Ստեղծարար Հայաստանի ներկայացուցիչների հետ արվեստի ասպարեզում դրամաշնորհների վերաբերյալ առցանց զրույցին մասնակցելու համար։
«Կատապուլտ» ծրագրի հոբելյանական միջոցառմանը ներկայացվեց ՀՀ ստեղծարար և մշակութային բնագավառների վերաբերյալ համապետական հետազոտության արդյունքները, ներպետական ուսումնասիրության և ֆոկուս-խմբային քննարկումների հիմնական եզրահանգումները։
Մտավոր սեփականության իրավունքի հայ իրավաբանների ասոցիացիան, «Կատապուլտ» ծրագրի հետ միասին իրականացնում է վերապատրաստումներ՝ մտավոր սեփականությանն առնչվող անհատներին արժեքավոր գիտելիքներ փոխանցելու մտավոր սեփականության վերաբերյալ օրենսդրության մասին:
2022 թ․ մեկնարկեց «Կատապուլտ» ծրագիրը՝ Հայաստանի ստեղծարար ոլորտները խթանելու նպատակով։ Ստորագրվեց փոխըմբռնման հուշագիր ՀՀ կրթության, գիտության, մշակույթի և սպորտի, ՀՀ էկոնոմիկայի, ՀՀ ԲՏԱ նախարարությունների, Հայաստանում ԵՄ պատվիրակության և ՀԲԸՄ-ի միջև։
