«Կատապուլտ»-ը և «ԱրտՆեքսուս»-ը նորահայտ գործընկերություն է ՀԲԸՄ «Կատապուլտ» ստեղծարար աքսելերացիոն ծրագրի և շվեդական «ԱրտՆեքսուս»-ի միջև։ Այս համագործակցության առաջնային նպատակն է ամրապնդել Հայաստանի մշակութային քաղաքականությունը՝ յուրացնելով շվեդական ռազմավարությունները՝ միաժամանակ նաև ընդլայնելով ռեսուրսների և հնարավորությունների հասանելիությունը մշակույթի գործիչների համար։
«ԱրտՆեքսուս» ծրագիրը նպատակ ունի աջակցել [հայ և շվեդ] ստեղծարարներին և պետական դերակատարներին՝ խթանելով փոխանակումը երկու երկրների միջև։ Այս նախաձեռնության միջոցով երկու ազգերը կկարողանան փոխադարձաբար օգտվել մշակութային տիրույթում միմյանց ընկալումներից, գործունեությունից և փորձից։
«ԱրտՆեքսուս»-ը ֆինանսավորվում է Շվեդական միջազգային զարգացման համագործակցության գործակալության (Sida), մասամբ էլ՝ արվեստին տրամադրվող դրամաշնորհների շվեդական կոմիտեի կողմից։ «ԱրտՆեքսուս»-ի մասին ավելին իմանալու համար այցելե՛ք այստեղ:
Katapult x ArtNexus-ի կողմից հյուրընկալվել են հետևյալ միջոցառումները․
Մարտ 4-6, 2023 թ․
«Կատապուլտ աշխատաժողով»-ը հյուրընկալեց Մտավոր սեփականության (ՄՍ) աշխատաժողովը, որի նպատակն էր օժանդակել հայաստանի ստեղծարար բնագավառի պրոֆեսիոնալներին՝ ՄՍ ասպարեզում բովանդակային, գործարքային և դատավարական գիտելիքներ և հմտություններ ձեռք բերելու հարցում։ Աշխատաժողովի ընթացքում վերապատրաստում է անցել 16 իրավաբան, ստեղծարարության վերաբերյալ 15 դեպքով տրամադրվել է խորհրդատվություն և քննության է առնվել 29 դեպք։
Ապրիլ 29, 2023 թ․
«Մտավոր սեփականությունը և տեխնոլոգիաների հարուցած մարտահրավերները»
Այս Գլոբալ ՄՍ խորհրդաժողովը միավորել էր ձեռնարկություններին, իրավական հանրույթին, գիտական հանրույթին, պետական պաշտոնյաների և մտավոր սեփականության [իրավունքների] և տեխնոլոգիաների հարցերով հետաքրքրված անհատների։ Խորհրդաժողովի ընթացքում քննարկվեցին վերջին միտումները, ռազմավարությունները և նորարարությունները մտավոր սեփականության բնագավառում։ Այն բաղկացած էր վեց լիագումար նիստերից և վարպետաց դասերից՝ 20 հրավիրյալ խոսնակներով և 120 մասնակցով։
ՄՍ Գլոբալ խորհրդաժողովը կազմակերպվել էր «Մտավոր սեփականության իրավունքի հայ իրավաբանների ասոցիացիա» ՀԿ-ի հետ համատեղ և ներառվել էր Մտավոր սեփականության համաշխարհային կազմակերպության (WIPO) միջոցառումների ցանկում, որոնք տեղի են ունենում աշխարհում՝ Մտավոր սեփականության համաշխարհային օրվա կապակցությամբ։
ՀԲԸՄ-ի «Կատապուլտ» ծրագրի միջոցով մենք միավորում ենք Հայաստանի ստեղծարար և մշակութային բնագավառները (ՍՄԲ)՝ երեք հիմնական նախաձեռնությունների միջոցով։ Առաջինը բազմաշահառու կոմիտեն է, որը բաղկացած է համապատասխան նախարարությունների և Եվրոպական պատվիրակության ներկայացուցիչներից, խթանում է համակողմանի համագործակցությունը և թիրախային գործունեությունը։ Երկրորդ՝ մենք ակտիվորեն աշխատում ենք առաջադեմ ՍՄԲ քաղաքացիական հարթակի ստեղծման ուղղությամբ՝ արդեն իսկ էական առաջընթաց արձանագրելով համապարփակ ռազմավարության և ազդեցիկ բրենդավորման մոտեցմամբ։ Երրորդ, մեր՝ տվյալների վրա հիմնված հետազոտությունը, ներառյալ՝ խորքային ֆոկուս-խմբային քննարկումները, տնտեսական հետազոտությունը և ներպետական հարցումները, արժեքավոր մտքեր է հաղորդում, որոնք սնուցում են ՍՄԲ աճը և զարգացումը։ Ավելին, մենք ձգտում ենք առողջ հարաբերություններ հաստատել կառավարության և արվեստագետների միջև՝ ձևավորելով փոխադարձ աջակցության և քաջալերման էկոհամակարգ։ Համագործակցության, նորարարության և հետազոտության միջոցով մենք պատրաստվում ենք ամեն ինչ անել Հայաստանի ՍՄԲ-ը գերազանցության հասցնելու համար։
Բազմաշահառու հանձնախումբ
Ծրագրի շրջանակներում գումարվեց բազմաշահառու հանձնախմբի հանդիպումը, որը բաղկացած է 34 անդամներից՝ ՀՀ էկոնոմիկայի, բարձր տեխնոլոգիաների արդյունաբերության, կրթության, գիտության, մշակույթի և սպորտի նախարարություններից և Եվրոպական պատվիրակությունից։ Ձևավորվեց երեք աշխատանքային կոմիտե՝ ծրագրի տարբեր հարցերին անդրադառնալու նպատակով։
Քաղաքացիական հարթակ
Ծրագրի առաջնային նպատակներից մեկը ստեղծարար և մշակութային բնագավառների (ՍՄԲ) համար քաղաքացիական հարթակ ստեղծելն էր։ Այս հարթակը կծառայի որպես արժեքավոր աղբյուր՝ ՍՄԲ-ին աջակցելու և այն առաջ մղելու համար։ Առաջին տարվա ընթացքում նշանակալի առաջընթաց արձանագրվեց, ներառյալ՝ ՍՄԲ հարթակի համակողմանի ռազմավարության և բրենդավորման արդյունավետ ռազմավարության մշակումը։
Հետազոտություն
ՀԲԸՄ «Կատապուլտ» ստեղծարար աքսելերացիոն ծրագիրը բնութագրվում է տվյալների վրա հիմնված լինելու մոտեցմամբ։ Այս հանձնառության շրջանակներում մենք իրականացրել ենք Հայաստանի ՍՄԲ-ի վերաբերյալ առաջին ծավալուն հետազոտությունը։ Այդ ծավալուն հետազոտությունը ներառում էր հետևյալ հիմնական բաղադրիչները․
Հետազոտական այս նախաձեռնությունը ապահովեց կարևոր տվյալներ և գիտելիք, որոնք կդրվեն մեր ռազմավարությունների և որոշումների կայացման գործընթացի հիմքում՝ Հայաստանի ՍՄԲ աճը և զարգացումը ամրապնդելու համար։
Հրապարակումներ:
Ուսումնասիրեք մեր արժեքավոր ռեսուրսները և ներբեռնեք մեր հրապարակումները՝ ձեր գիտելիքներն ու հմտությունները հարստացնելու համար:
Արվեստի գործերի տեղափոխում
Հեղինակ՝ Գոհար Հակոբյան
Ստացեք պատկերացումներ արվեստի գործերի տեղափոխման լավագույն փորձի վերաբերյալ: Այս համապարփակ ուղեցույցը ներառում է ամեն ինչ՝ փոխադրումից մինչև տեղադրում՝ ապահովելով արվեստի գործերի անվտանգությունն ու պահպանումը:
Ներբեռնեք Արվեստի գործերի տեղափոխում ձեռնարկը
Մտավոր սեփականության իրավունքը ստեղծարար ոլորտում
Հեղինակ՝ Անի Դավթյան
Այս հրապարակումը տրամադրում է մտավոր սեփականության (ՄՍ) իրավունքների հստակ և հակիրճ ակնարկ՝ հատուկ մշակված ստեղծագործ մասնագետների համար: Հասկացեք, թե ինչպես պաշտպանել ձեր ստեղծագործ աշխատանքները և կողմնորոշվել ՄՍ օրենքի բարդությունների հետ:
Ներբեռնեք Մտավոր սեփականության իրավունքը ստեղծարար ոլորտում ձեռնարկը
ՄՍ իրավական գործերի ուղեցույց
Մտավոր սեփականության իրավունքների կիրառումը հասկանալու համար սուզվեք իրական դեպքերի և գործնական օրինակների մեջ: Այս ուղեցույցը ծառայում է որպես էական ռեսուրս բոլորի համար, ովքեր ցանկանում են խորացնել ՄՍ օրենքի վերաբերյալ իրենց ընկալումը:
Ներբեռնեք ՄՍ իրավական գործերի ուղեցույցը
