Սովորի՛ր և Վաստակի՛ր. Հայաստան

ՀԲԸՄ «Սովորի՛ր և Վաստակի՛ր. Հայաստան» ծրագիրը աշխատուժի զարգացման ռազմավարական նախաձեռնություն է, որի առաքելությունն է մասնագիտական կարողությունների զարգացման անվճար դասընթացների միջոցով խոցելիությունը վերածել կայուն և արժանապատիվ զբաղվածության։ Ծրագիրն առաջարկում է աշխատաշուկայում պահանջված գործնական գիտելիքներ և հմտություններ, նաև ստեղծում  է անմիջական կապ գործատուների հետ։ 

ՀԲԸՄ «Սովորի՛ր և Վաստակի՛ր. Հայաստան» ծրագրի նպատակն է աջակցել զբաղվածության խնդիր ունեցող անձանց՝ տրամադրելով գործնական գիտելիքներ և պահանջված հմտություններ, որոնք կօգնեն հաջողությամբ ինտեգրվել աշխատաշուկայում և բարձրացնել մրցունակությունը։

Դասընթացների ուղղություններն են՝ 

Մեկնարկելով 2019 թվականին Արցախում՝ որպես «Սովորի՛ր և Վաստակի՛ր. Արցախ» ծրագիր, այն նպատակ ուներ խթանել պետական և մասնավոր հատվածների աշխատակիցների մասնագիտական աճն ու կարողությունների զարգացումը։

2023 թվականին Արցախի հայութափումից հետո ծրագիրն արագ վերաձևավորվեց՝ դառնալով մեկամյա արագ արձագանքման ծրագիր Հայաստանում՝ առաջարկելով կարճաժամկետ վերապատրաստման և հմտությունների զարգացման դասընթացներ բռնի տեղահանված անձանց համար։ Միաժամանակ, Հայաստանում վերաբացված 16 բիզնեսներ ստացան փոքր դրամաշնորհներ՝ իրենց գործունեությունը կայունացնելու նպատակով։ 

2019-2024 թվականներին ՀԲԸՄ «Սովորի՛ր և Վաստակի՛ր. Արցախ» ծրագիրն աջակցել է շուրջ 3,000 շահառուի։ 

Ովքե՞ր կարող են դիմել

Դասընթացներին կարող են դիմել 18 տարին լրացած Հայաստանում բնակվող ՀՀ քաղաքացիները, ովքեր ձգտում են ձեռք բերել նոր մասնագիտություն կամ զարգացնել իրենց մասնագիտական հմտությունները՝ աշխատաշուկա մտնելու նպատակով, մասնավորապես՝

• Արցախից տեղահանված անձինք
• Աշխատանք փնտրող և գործազուրկ երիտասարդներ
• Սոցիալապես խոցելի խմբերի ներկայացուցիչներ
• Աշխատաշուկայում մրցունակության դժվարություններ ունեցող կանայք
• Անձինք, ովքեր ցանկանում են վերաինտեգրվել աշխատաշուկայում