Նկար
ՀԲԸՄ «Սովորի՛ր և վաստակի՛ր Արցախում» ծրագիրը մարդկանց սոցիալ-տնտեսական հզորացմանն ու կայուն տնտեսական աճի ապահովմանը միտված մասնագիտական զարգացման նախաձեռնություն է: 2019 թ.-ին մեկնարկած և մինչ օրս ավելի քան 1 000 մասնակից ընդգրկած ծրագիրը օգնում է կրթական տարբեր մակարդակ և հմտություններ ունեցող տեղացիներին բարելավել իրենց կյանքի պայմանները, զարգացնել մասնագիտական հմտությունները և մրցակցել տարածաշրջանային և համաշխարհային տնտեսություններում:
Մարդկային կապիտալի և արդյունաբերության զարգացում
Տաղանդավոր մարդկանց երկրում պահելու համար անհրաժեշտ է ստեղծել անձնական և մասնագիտական աճին նպաստող հնարավորություններ: Կարևոր է նաև ապահովել Արցախի մասնագետների և Հայաստանի ու արտերկրի գործընկերների միջև կապը: ՀԲԸՄ «Սովորի՛ր և վաստակի՛ր Արցախում» ծրագիրը համագործակցում է Հայաստանի ամերիկյան համալսարանի հետ՝ առաջարկելով անգլերենի անվճար դասընթացներ, ինչպես նաև հանրային հատվածի կարողությունների զարգացման, ձեռներեցության և հյուրընկալության կառավարման դասընթացներ:
Արցախում փոքր և միջին ձեռնարկությունների համար առավել բարենպաստ միջավայր ստեղծելու նպատակով մենք նաև աջակցում ենք հանրային ծառայողների մասնագիտական զարգացմանը: Ծրագրին կարող են մասնակցել 18 տարին լրացած անձինք, ովքեր պատրաստակամ են զարգացնելու իրենց մասնագիտական գիտելիքներն ու լեզվի իմացության մակարդակը։
Առաջարկվող դասընթացները ենթակա են փոփոխության։ Առկա կամ գալիք դասընթացների մասին տեղեկություն ստանալու համար խնդրում ենք գրել rozas@agbu.am էլ. հասցեին։
ԱԶԴԵՑՈՒԹՅՈՒՆ
ՀԲԸՄ «Սովորի՛ր և վաստակի՛ր Արցախում» ծրագրի նախորդ մասնակիցների ավելի քան 80 %-ը մնացել է Արցախում՝ հավատարիմ լինելով սեփական կենսապահովման, արդյունաբերության աճի և վերակառուցման զարգացման համար ներդրումներ կատարելու հանձնառությանը:
Մասնագիտական զարգացման դասընթացներ
18 տարին լրացած անձանց մրցակցային առավելությունն ապահովելու նպատակով մշակված ՀԲԸՄ «Սովորի՛ր և վաստակի՛ր Արցախում» ծրագրի մասնակիցների համար կազմակերպվում են դասընթացներ, որոնց միջոցով նրանք տեղեկացվում են համապատասխան ոլորտների միտումների և զարգացումների մասին: Բացի դասախոսություններից, սեմինարներից և դասընթացներից, ուսումնական ծրագիրը ներառում է պրակտիկ դասընթացներ և ցանցային հնարավորություններ: Օրինակ, ձեռներեցության ծրագրում ընդգրկված ուսանողները աշխատում են հրապարակային խոսքի և ներկայացման, ինչպես նաև ցուցահանդեսներին և մեդիա միջոցառումներին մասնակցելու հմտությունների զարգացման վրա:
Ահա՛ ՀԲԸՄ «Սովորի՛ր և վաստակի՛ր Արցախում» ծրագրի առաջարկների մի քանի կարևոր կետեր.
- Ձեռնարկատիրության դասընթացներ և թրեյնինգներ՝ ներառյալ մեկ տարվա մենթորություն
- Անգլերեն լեզու (տարբեր մակարդակներ)
- Բիզնես կառավարման հիմունքներ
- Զբոսաշրջության և հյուրընկալության դասընթացներ
- Թվային և սոցիալական մեդիա մարքեթինգ
- Առաջնորդություն և անձնակազմի կառավարում
- Առաջարկ-նախագծի պատրաստում
- Արագաշարժության հիմունքներ և մտածելակերպ
Աջակցե՛ք Արցախում տարվող մեր աշխատանքներին
Արցախում ՀԲԸՄ նախաձեռնությունները բարելավում են հազարավոր անհատների առօրյան և հայտնաբերում նրանց ներուժը:
Իմացե՛ք ավելին մեր ընթացիկ ջանքերի և նախագծերի մասին:
