«Կատապուլտ» ստեղծարար աքսելերացիոն ծրագիրը, ՀայԱրտ մշակութային կենտրոնի հետ համատեղ, հայտարարում է նախագծերի հայտերի ընդունում 2023 թվականի «Կատապուլտ տաղավար Scenius» գարնանային ցուցադրությանը մասնակցելու համար։
«Կատապուլտ» ստեղծարար աքսելերացիոն ծրագրի մասին
Մարդկային կապիտալի և տաղանդի ներուժն առավելագույնի հասցնելու նպատակով Հայկական բարեգործական ընդհանուր միությունը (ՀԲԸՄ), համագործակցելով Ստեղծարար Հայաստանի (Creative Armenia) հետ, Եվրոպական միության ֆինանսավորմամբ նախաձեռնել է «Կատապուլտ» ստեղծարար աքսելերացիոն ծրագիրը: «Կատապուլտ»-ը եռամյա ծրագիր է, որի նպատակն է խթանել Հայաստանում ստեղծարար տնտեսությունը: Այն կոչված է հզորացնելու, կապակցելու և խթանելու ստեղծարար և մշակութային ոլորտները՝ գործի դնելով հանրային մտավոր ներուժը և բարելավելով ընդհանուր կենսակայունությունը:
«Կատապուլտ տաղավար»-ի մասին
«Կատապուլտ տաղավարը» առաջատար տեխնոլոգիաների, արվեստի ու դիզայնի ոլորտների հանդիպման հարթակ է, որի վերջնանպատակն է ստեղծելհանրային բարիք։ Մանրամասն համադրված «Կատապուլտ տաղավար»-ի շրջանակներում կստեղծվեն նոր ապրանքանիշեր, ծառայություններ ու ապրանքներ, որոնք այցելուներին կօգնեն հայացք գցել դեպի 22-րդ դարի Հայաստանի ստեղծարար արդյունաբերություն։ Հայաստանից և սփյուռքից եկած արվեստի գործիչները կհանդիպեն մեկ հարկի տակ՝ նոր մտահղացումներով ոգեշնչվելու, համագործակցելու և մեզ համար Հայաստանի ստեղծարար արդյունաբերության ապագան ուրվագծելու նպատակով։
2023-ի թեման. «Scenius»
Որպես հարթակ, որը կարևորում է տարբեր ոլորտների ստեղծարարությունը, «Կատապուլտ տաղավար»-ը խրախուսում է համագործակցությունը և նպատակ ունի խթանել միջոլորտային փորձի փոխանակումը:
Համայնքային զարգացում խթանելու ոգով ներշնչված՝ ձեզ ենք ներկայացնում Scenius հասկացությունն ու եզրույթը, որն առաջին անգամ կիրառել է հնչյունային արվեստագետ Բրայան Ինոն (Brian Eno): Այն իրենից ներկայացնում է «ողջ մշակութային դաշտի մտավոր կարողությունն ու ներըմբռնումը… «հանճար» գաղափարի համայնքային ձևը»։
Ինոյի ներմուծած հասկացությունը անուն է տալիս մի փորձառության, որի միջոցով բոլոր ստեղծագործ անհատներն անցնում են ինտուիտիվ եղանակով․ այն է՝ ստեղծարարությունը գործընկերների և գաղափարների միջև անդադար հաղորդակցման/փոխանակման գործընթացի արդյունքն է: Դա այն ակտիվ գործընթացն է, որը Ինոյի մոտեցմամբ միավորում է «տաղանդի էկոլոգիա»-ն՝ արվեստագետներին, համադրողներին, մտավորականներին, տեսաբաններին և շատ այլ «ճաշակ թելադրողների»:
Քանի որ «Կատապուլտ» ստեղծարար աքսելերացիոն ծրագիրը ձգտում է աջակցել և հզորացնել Հայաստանի ստեղծարար էկոհամակարգը, «Տաղավարը» այն հարթակներից է, որը կներկայացնի Հայաստանի «Scenius»-ը:
Ի՞նչ ակնկալել/Ո՞վ կարող է դիմել
«Կապսուլները» ցուցահանդեսի շրջանակում ներկայացվող փոքր տաղավարներ են, որոնք ներկայացնում են ստեղծարարության որոշակի ոլորտ: Յուրաքանչյուր կապսուլային տաղավար կունենա համապատասխան տարածք, աջակցության բյուջե և համադրողական բովանդակություն:
Մենք խրախուսում ենք նվազագույնը երեք մասնակից ունեցող կոլեկտիվ հայտերը: Յուրաքանչյուր կապսուլային տաղավար պետք է ունենա նշանակված համադրող, որը հանդես կգա որպես կոնտակտային անձ և նախագծի ղեկավար «Կատապուլտ տաղավարի» հանձնակատար թիմի հետ աշխատանքի ընթացքում:
Կապսուլային տաղավարների կատեգորիաներ
● Ստեղծարար տեխնոլոգիա (NFT, Մետավերս, AR/VR)
● Դիզայն
● Նորաձևություն
● Տպագիր նյութեր և գրքեր
● Տեսողական արվեստ
● Այլ/խառը*
* «Այլ/խառը» կապսուլային տաղավարը ընդարձակ կատեգորիա է, որը դիմորդներին հնարավորություն է ընձեռում բոլորովին նոր կատեգորիա առաջարկել կամ միավորել կատեգորիաները: Դա թողնում ենք ձեր հայեցողությանը: Այնուամենայնիվ, խնդրում ենք նշել ձեր՝ կապսուլային տաղավարում ներկայացվելիք գաղափարի անվանումը:
Զուգահեռաբար «Կատապուլտ բեմ»-ը կներկայացնի խմբային միջոցառումների և պերֆորմանս արվեստի ծրագիր, որը կհամադրվի և կհամակարգվի ARé կատարողական արվեստի փառատոնի կողմից: Երկու հարթակների՝ «Կապսուլ»-ների և «Կատապուլտ բեմ»-ի դիմումները կհավաքագրվեն բաց կանչերի միջոցով։ Տեղական մատակարարների հետ համագործակցության շնորհիվ՝ էքսպոյի տարածքում կգործեն սննդի և խմիչքի կետեր:
Ինչպե՞ս դիմել
Խնդրում ենք ներբեռնել Դիմումի ուղեցույցը՝ դիմելու մանրամասներին ծանոթանալու համար: Ուղեցույցում դուք կգտնեք ամբողջական բաց կանչը, տեղեկատվություն մեր մրցանակների, ընտրության չափանիշների և օժանդակ նյութերի վերաբերյալ (ցուցահանդեսի գծապատկեր/գոտևորում և հաճախակի տրվող հարցեր):
Խնդրում ենք ուշադրությամբ ծանոթանալ Դիմումի ուղեցույցին նախքան դիմելը։
• Դիմումի ուղեցույցը ներբեռնե՛ք ստորև.
• Դիմելու համար սեղմե՛ք այստեղ (մինչև փետրվարի 6, 2023, ժամը 22:00):
Հարցերի դեպում
Խնդրում ենք կապ հաստատել մեզ հետ gohara@agbu.am էլ. հասցեին:
Միացե՛ք մեր տեղեկատվական միջոցառմանը ՀայԱրտում հունվարի 14-ին ժամը 14։00-ին։ Գրանցվելու համար սեղմե՛ք այստեղ։
Նորությունների համար հետևեք մեզ.
Տեղեկագիր: Katapult Newsletter
Ֆեյսբուք: @AGBUArts
Ինստագրամ: @AGBUArts
Լինքդին: @Katapult Creative Accelerator Program