Scouts

Սկաուտներ «Անդրանիկ» սկաուտական ճամբար Շրջանավարտներ

X

Ծառայություն

Տեղական համայնքներում ծառայելով որպես գլոբալ քաղաքացիներ

X

ՀԲԸՄ սկաուտները ոչ միայն սովորում են ճամբարել և արշավել, այլև իրենց նպատակակետն են դարձնում հանրային ծառայությունում և սեփական համայնքների հզորացման գործում ներգրավվելը: Մասնակցելով ամբողջ տարվա ընթացքում տեղի ունեցող տարբեր ծրագրերի, այդ թվում՝ արյունատվության, խնամքի փաթեթների հավաքման, կամավորական աշխատանքի, բարեսիրական նպատակներով գործող ճաշարաններում սպասարկումների, ինչպես նաև մարդասիրական օգնության ջանքերի, երիտասարդները գլոբալ մտածելու և տեղական մակարդակում գործելու քաջալերանք են ստանում: Մեր սկաուտները ոչ միայն հպարտությամբ ծառայում են հայ համայնքներում, այլև իրենց ժամանակն ու ջանքերը հատկացնում են տեղական նախաձեռնությունների իրականացմանը:

X

Առաջնորդություն

Սերմանելով հավատարմության, քաջության և աշխատասիրության արժեքներ

Իմացե՛ք ավելին

X

1930-ականներից ի վեր, երբ Եգիպտոսում, Լիբանանում և Սիրիայում ստեղծվում էին առաջին սկաուտական խմբերը, մեր նպատակն է եղել դաստիարակել ինքնավստահ և հոգատար առաջնորդներ:

X

Մշակույթ

Ինքնության հաստատում՝ համայնքի հետ հաղորդակցության միջոցով

Իմացե՛ք ավելին

X

ՀԲԸՄ-ի սկաուտական ծրագրերը հայ երիտասարդներին հնարավորություն են տալիս ակտիվորեն հաղորդակցվելու սեփական ինքնության, ժառանգության և մշակույթի հետ: Ինքնաբացահայտման ճանապարհին մեր սկաուտները ստեղծում են տևական ամուր բարեկամություն:

ՀԲԸՄ սկաուտական խմբեր գործում են ամբողջ աշխարհում՝ Արգենտինայում, Հայաստանում, Իրաքում, Լիբանանում, Սիրիայում, ԱՄՆ-ում և Ուրուգվայում:

Սկաուտներ

Մենք կարևորում ենք ընկերասիրությունը, ազնվությունն ու առաջնորդությունը

Պատանեկան տարիքում ՀԲԸՄ սկաուտ լինելն ինձ սովորեցրեց այնպիսի արժեքներ, ինչպիսիք են՝ թիմային աշխատանքը, համբերությունն ու կարգուկանոնը, որոնք ինձ շատ են օգնել ինձ կյանքումկայանալուև հաջողությունների հասնելուհարցում:
Կարմա Էքմեկջի, Քաղաքականության խորհրդատու, ՄԱԿ Կանայք կազմակերպություն
ՀԲԸՄ Լիբանանի սկաուտական շարժման շրջանավարտ

ՀԲԸՄ «Անդրանիկ» սկաուտական ճամբար

ՀԲԸՄ «Անդրանիկ» սկաուտական բանակումները՝ նախատեսված 13–17 տարեկան պատանիների համար, Հայաստանում սկաուտական փորձառության լավագույն առիթ է, որի ընթացքում յուրահատուկ հնարավորություն է ստեղծվում ուսումնասիրելու հայկական ժառանգությունը, զարգացնելու առաջնորդական հմտություններն ու ստեղծելու մշտատև բարեկամություններ։ Սկաուտական ավանդույթների, գիտելիքների, արշավների, ինչպես նաև համայնքային ծառայության ծրագրերի միջոցով մասնակիցները զարգացնում են անհատական հմտությունները, ինչպես նաեւ ամրապնդում են համահայկական միասնության զգացումը։

2008թ․ հիմնադրումից ի վեր, սկաուտական բանակումները հյուրընկալել են ավելի քան 2,100 սկաուտների՝ Արգենտինայից, Հայաստանից, Վրաստանից, Իրանից, Իրաքից, Լիբանանից, Սիրիայից, ԱՄՆ-ից և Ուրուգվայից։ Լոռու գեղատեսիլ մարզում տեղակայված ՀԲԸՄ բանակավայրը ապահովում է անվտանգ ու հաճելի միջավայր, որտեղ սկաուտները, գտնվելով բնության գրկում, զարգացնում են կենսական հմտություններ ու ամրապնդում իրենց հայկական ինքնությունը։
Ծրագրում ներառված են արշավներ, գոյատևման վարժանքներ, այցեր Երևանում ու Հայաստանի տարբեր շրջաններում գտնվող պատմամշակութային հուշարձաններ։

Նկար
Նկար
Նկար

Նրանք զարգացնում են խմբային աշխատանքը, տոկունությունն ու մշակութային հպարտությունը։ ՀԲԸՄ-ի սկաուտները մասնակցում են ճամբարային և համայնքային ծառայության ծրագրերին։ Երեկոները լցվում են խարույկի շուրջ ու բաց երկնքի տակ ընթացող հետաքրքիր զրույցներով, հայկական ժողովրդական երգ ու պարով։ Սկաուտները շրջում են տեսարժան վայրերով և կերտում անմոռանալի հիշողություններ:

2026-ի Բանակումի օրերը շուտով կհայտարարվեն:

Մասնակցության վճար: $200

Մասնակցության վճարը ներառում է սննդի, կեցության, շրջագայությունների ու
միջոցառումների ծախսերը, որոնց մեջ ներառված չէ օդանավի տոմսի արժեքը։

* Բանակումի մասին լրացուցիչ տեղեկությունների համար, խնդրում ենք կապ հաստատել youth@agbu.org.

Հաճախակի տրվող հարցեր

Ովքե՞ր կարող են մասնակցել բանակումին

Բանակումին կարող են մասնակցել ՀԲԸՄ-ի աշխարհատարած մասնաճյուղերի 13-17 տարեկան բոլոր սկաուտներն ու արենուշները։

Ի՞նչ է ներառում 200 ԱՄՆ դոլար մասնակցության վճարը

Վճարը ներառում է կեցության, սննդի, շրջապտույտների ու բանակավայրում տեղի ունեցող բոլոր միջոցառումների ծախսերը։ Օդանավի երթ ու դարձի տոմսի արժեքը ներառված չէ։

Ինչպե՞ս գրանցվել բանակումին

Գրանցվել կարելի է առցանց՝ ՀԲԸՄ-ի պաշտոնական կայքեջի միջոցով։ Աջակցության անհրաժեշտության պարագայում, կարող եք կապ հաստատեք Ձեր ՀԲԸՄ տեղական մասնաճյուղի կամ սկաուտական խմբի հետ։

Ի՞նչ պարագաներ պետք է բերեն բանակումի մասնակիցներն իրենց հետ

Գրանցման ժամանակ մասնակիցներին կտրամադրվի մանրամասն ցանկ։ Հիմնական ու անհրաժեշտ պարագաներն են՝ ամառային հարմարավետ հագուստ, քնապարկ, հիգիենայի պարագաներ ու անհատական դեղորայք։

Կան արդյո՞ք ծրագրի վճարի ֆինանսական աջակցման ծրագրեր։

Այո՛, ֆինանսական աջակցություն կարող է տրամադրվել տեղական ՀԲԸՄ մասնաճյուղերի միջոցով։ Լրացուցիչ տեղեկությունների համար դիմեք Ձեր տեղական մասնաճյուղին։

Կարո՞ղ են մասնակիցներն օգտվել էլեկտրոնային սարքերից։

Մասնակիցներին խրախուսվում է ժամանակավորապես անջատվել սարքերից՝ լիովին ներգրավվելու բանակումի փորձառությանը։ Սահմանափակ հեռախոսային կապ հնարավոր կլինի որոշ ժամերի ընթացքում՝ ընտանիքի հետ հաղորդակցվելու համար։

Ի՞նչ անել, եթե իմ երեխան սննդակարգի կամ առողջական հատուկ պահանջներ ունի։

Մենք հաշվի ենք առնում սննդակարգի ու առողջապահական ընդհանուր սահմանափակումների մեծ մասը։ Ճիշտ նախապատրաստվելու համար, խնդրում ենք գրանցման ընթացքում տրամադրել մանրամասն տեղեկատվություն այս մասին։

Մեր սկաուտները ողջ տարվա ընթացքում անհամբեր սպասում են Հայաստանի Լոռու մարզի գեղատեսիլ բնության գրկում անցկացվող ՀԲԸՄ «Անդրանիկ» սկաուտական ամենամյա բանակումին: Հարյուրավոր երիտասարդներ տարբեր երկրներից հաճելի և օգտակար ժամանակ են անցկացնում, մասնակցում արշավների: Հայրենիք կատարած այս ճամփորդությունը նրանց թույլ է տալիս նաև մասնակցել Հայաստանում ՀԲԸՄ-ի տեղական միջոցառումներին և համայնքային նախագծերին՝ ապահովելով դրական փորձառություն և ամուր կապ հայրենիքի հետ: