Աշխարհի ամենամեծ հին հայկական ձեռագրերի պահոցը՝ Մ. Մաշտոցի անվան Մատենադարանը, դեռևս Խորհրդային տարիներին՝ 1930-թթ., աջակցություն է ստացել ՀԲԸՄ-ից, որի շնորհիվ կառուցվել է Մատենադարանի գրադարանն ու տպագրատունը: Հայաստանի անկախացումից հետո ՀԲԸՄ-ն շարունակել է աջակցել Մատենադարանին՝ ֆինանսավորելով շենքի սպասարկումն ու վերանորոգումը: Մենք շարունակում ենք կրթաթոշակներ ու գիտահետազոտական աշխատանքների ու  ​​դրամաշնորհներ տրամադրել ու հրատարակչական ծրագրեր հովանավորել՝ ապահովելով այս ազգային հարստություն ներկայացնող հիմնարկի կենսունակությունը:

Հայաստանի ազգային ֆիլհարմոնիկ նվագախմբի շուրջ համախմբվում են տաղանդավոր կոմպոզիտորներն ու վիրտուոզները: Հայաստանի անկախության առաջին իսկ օրերից ՀԲԸՄ-ն զգալի ներդրում է կատարել նվագախմբում՝ ապահովելով, որ եվրոպական և հայկական դասական երաժշտության սիրահար հանդիսատեսները վայելեն երաժշտությունը: Մեր աջակցության շնորհիվ Հայաստանի տաղանդների հաջորդ սերունդը կատարելագործության ու գերազանցության հնարավորություն է ստանում:

Հակառակ պատերազմների ու տնտեսական զրկանքների՝ Արցախի կամերային նվագախումբը շարունակում գործել ու համարվում է արցախցիների երաժշտության այցեքարտը: Նվագախումը բազմաթիվ հյուրախաղերով հանդես է եկել տարածաշրջանում: Երեսուն տարի առաջ ՀԲԸՄ-ն օգնեց հիմնելու Արցախի ինքնատիպ կամերային նվագախումբը, որը վերածվեց լայնածավալ սիմֆոնիկ նվագախմբի: Մենք այսօր էլ շարունակում ենք աջակցել նվագախմբին:

Ի լրումն խոշոր ու հայտնի հիմնարկների՝ ՀԲԸՄ-ն աջակցում է նաև Հայաստանի շրջաններում գործող փոքր թանգարաններին, գրադարաններին ու մշակութային կենտրոններին, որոնք ոչ միայն ոգեշնչում են տեղական համայնքներին, այլ նաև խթանում են զբոսաշրջության և տնտեսական զարգացման հնարավորությունները մայրաքաղաքից դուրս: Վերջին շահառուներից են Կոտայքի մարզային գրադարանը, Սիսիանի պատմության թանգարանն ու Գյումրիում գտնվող Մարիամ և Երանուհի Ասլամազյան քույրերի պատկերասրահը: