Կատարողական արվեստներ

Դարեր շարունակ հայկական երգարվեստի ավանդույթը եղել է մեր մշակույթի մի մասը՝ բերելով հպարտության զգացում:

ՀԲԸՄ երգչախմբերը հանդիսատեսի համար կենդանացնում են հայկական ժողովրդական, պատարագային, օպերային և ժամանակակից երաժշտությունը: Մեր երգչախմբերը ղեկավարվում են հայտնի դիրիժորների կողմից: Մեր գեղարվեստական խմբերը հանդիսատեսների առջև ելույթներ են ունենում նշանավոր համերգասրահներում:

Վերջին տարիներին հայկական երգչախմբերը վերածնունդ են ապրել՝ երգարվեստի նկատմամբ ընդհանուր սիրո շնորհիվ համախմբելով տարբեր տարիքի մարդկանց: Խմբերը հանդես են գալիս մշակութային կարևոր իրադարձություններում, իսկապես միավորելով համայնքները՝ չնայած հեռավորությանն ու լեզվական խոչընդոտներին:

ՀԲԸՄ պարախմբերում համախմբվում են բոլոր տարիքային խմբերի սկսնակ ու արհեստավարժ մակարդակի պարողներ՝ երաժշտության և շարժման միջոցով բացահայտելու հայկական մշակույթը: Բարդ խորեոգրաֆիայի և գեղեցիկ զգեստների միջոցով նրանք կյանքի են կոչում վառ պատմություններ: Կատարողների համար դա և՛ ֆիզիկական, և՛ էմոցիոնալ վարժություն է, որն անհատներին կապում է հավաքական պատմությանը:

Մեր համույթները զարդարել են աշխարհի ամենահայտնի մի քանի բեմեր, այդ թվում՝ Նյու Յորքի Լինքոլն Կատարողական արվեստի կենտրոնն ու Հայաստանի պետական ​​օպերային թատրոնը:

Կամերային ու փողային նվագախմբերը միավորում են երիտասարդ երաժիշտներին տարբեր քաղաքներում, որոնք տարբեր ոճերով ու վարպետությամբ հանդիսատեսին մատուցում են հայկական և միջազգային երաժշտության հնչյունները թե՛ պաշտոնական, թե՛ զվարճալի միջոցառումների ընթացքում:

Մեր փողային նվագախմբերը հաճախ աշխուժացնում են արարողություններն ու համայնքային փառատոնները, իսկ մեր կամերային նվագախմբերը ելույթներ են ունենում Եվրոպայի և Մերձավոր Արևելքի հայտնի բեմերում:

ՀԲԸՄ-ի մեր թատերախմբերը հանդիսատեսին ներկայացնում են դասական ու ժամանակակից ստեղծագործություններ: Լինի դա դրամա կամ կատակերգություն, մեր դերասանները, աշխատելով կրքոտ ռեժիսորների, գրողների ու գեղարվեստական ղեկավարների հետ, գրավում են հանդիսատեսին: Մեր թատերախմբերից շատերը հանդես են գալիս թե՛ հայերեն, թե՛ հանդիսատեսի համար հասկանալի լեզուներով՝ ապահովելու և՛ լեզվի պահպանումը, և՛ դեպի հանդիսատես հասանելիությունը:

Հայ թատերարվեստի բազմաթիվ շարժումների հիմնադիր, անվանի դերասանապետ Գրիգոր Սաթամյանի ժառանգությունը շարունակվում է ՀԲԸՄ թատերախմբերում, որոնք հանդես են գալիս նրա անունով։