1930-ականներին ՀԲԸՄ-ն եզակի դեր է ունեցել հայրենիքում բժշկական կենսական կենտրոնների ստեղծման գործում: Այդ կենտրոնները նպաստել են առողջապահական համակարգի բարելավմանը: Նշյալ կենտրոններից շատերն այսօր էլ շարունակում են ծառայել հանրության բժշկական կարիքներին:
1988թ.-ի Սպիտակի երկրաշարժից մինչև 1991թ.-ի խորհրդային առողջապահական համակարգի փլուզումն ու անկախության առաջին տարիները, մեր նախաձեռնությունները նպաստել են Հայաստանում բժշկության արդիականացմանը: Ճգնաժամերի ժամանակ ՀԲԸՄ-ն, ձեռք բերելով ժամանակակից սարքավորումներ ու պարագաներ, օգնում է կյանքեր փրկել:
Բազմամասնագիտակական հիվանդանոցի, համաշխարհային կարգի ախտորոշիչ կենտրոնի ու պոլիկլինիկայի շնորհիվ հիվանդները ստանում են մատչելի ու որոշ դեպքերում անվճար բուժում: Այդ հեղինակավոր կենտրոնների ու մի շարք բժշկական մասնագիտությունների ու հիվանդների սպասարկման ծրագրերի հաջողությունը հաճախ պայմանավորված են ՀԲԸՄ-ի հաստատակամ աջակցությամբ:
Երևանի պետական բժշկական համալսարանի Լևոն և Կլաուդիա Նազարյան գերձայնային բժշկության կենտրոնն իր տեսակի մեջ առաջինն էր Հայաստանում, որը հեղափոխություն կատարեց երկրում ճառագայթային ախտորոշման ու բուժման բնագավառում: Վերապատրաստված փորձառու բժիշկները հազարավոր հիվանդների են սպասարկում՝ ԱՄՆ Ֆիլադելֆիայի Ջեֆերսոնի անվան ուսումնական հիվանդանոցի հետ համագործակցությամբ:
2020 թ. մարտից օգոստոս ընկած ժամանակահատվածում Քովիդ-19 համավարակի ընթացքում Կենտրոնը կատարել է 3322 CT հետազոտություն:
ՀԲԸՄ-ն Երևանի Վահե Կարապետյան կենտրոնում հիմնեց բազմաբնույթ առողջապահական հաստատություն՝ Սիրիայից ներգաղթած հայրենակիցների առողջական կարիքները հոգալու համար:
Հավատարիմ մնալով արտակարգ իրավիճակներում վստահելի ու արդյունավետ կազմակերպություն լինելու իր համբավին՝ ՀԲԸՄ-ն քայլեր է ձեռնարկում ճգնաժամերի ժամանակ բժշկական միջոցների ապահովան ուղղությամբ:
ՀԲԸՄ-ն միշտ օգնության է շտապել՝ հասցնելով վերականգնողական սարքավորումներ՝ կյանքեր փրկելու նպատակով: Բոլորովին վերջերս համավարակի և Արցախյան պատերազմի դժվարին պահերին, ՀԲԸՄ-ն օդափոխիչներ, թթվածնի գեներատորներ, ռենտգեն սարքավորումներ, պաշտպանիչ միջոցներ և այլ պարագաներ է տրամադարել:
Արցախյան Երկրորդ պատերազմից հետո շատ երեխաներ ապրեցին խորը հոգեկան վիճակ: Այդ երեխաների հոգեկան ծանր վիճակից դուրս բերելու համար ՀԲԸՄ-ն 2021 թ. մեկնարկեց Նաիրի ճամբարը՝ ողջունելով Արցախի և Հայաստանի երիտասարդներին: Նրանց հետ աշխատեցին խորհրդատուներ, արհեստավարժ բժիշկներներ ու հոգևորականներ:
Որպեսզի ՀԲԸՄ-ն կարողանա ըստ անհրաժեշտության հրատապ օգնություն տրամադրել, մենք ապավինում ենք ողջ աշխարհի նվիրատուների աջակցությանը՝ ՀԲԸՄ Գլոբալ օգնության հիմնադրամի միջոցով: Իմացե՛ք ավելին և նվիրաբերե՛ք այսօր:
Գործե՛ք հանուն մարդկության բարօրության: Նվիրաբերե՛ք այսօր:
