«Կատապուլտ տաղավար» 2023. ստեղծարար արդյունաբերության էքսպո
«Կատապուլտ տաղավար»-ը ցուցադրություն-տոնավաճառ է, որը նպատակ ունի խթանել Հայաստանի ստեղծարար տնտեսությունը: «Կատապուլտ տաղավար»-ը առաջատար տեխնոլոգիաների, արվեստի ու դիզայնի մեկտեղման հարթակ է:
Մանրամասն համադրված մեկամսյա էքսպոյի և այլ հանրային ծրագրերի շրջանակներում կկցուցադրվեն ստեղծարար արդյունաբերության Հայաստանի և սփյուռքի նոր ապրանքանիշեր, ծառայություններ ու ապրանքներ:
2023 «Կատապուլտ տաղավար»-ի թեման. Scenius-ը
Ուրախ ենք հայտարարել 2023 թվականի «Կատապուլտ տաղավար»-ի մեկնարկի մասին, որն իրականացվում է «ՀայԱրտ» մշակութային կենտրոնի և «ԱՐէ» կատարողական արվեստի փառատոնի հետ համատեղ:
«Կատապուլտ տաղավար»-ի այս տարվա խորագիրը «Scenius» է, հասկացություն, որը, ըստ երաժշտության տեսաբան Բրայան Ինոյի, ներկայացնում է՝
«մի ամբողջ մշակութային դաշտի միտքն ու ինտուիցիան…հավաքական հանճարի համայնքային կերպը»:
Ինոյի ներմուծած հասկացությունը անուն է տալիս մի փորձառության, որով բոլոր ստեղծագործ անհատներն անցնում են ինտուիտիվ եղանակով, երբ ստեղծարարությունը ծնվում է գործընկերների հետ գաղափարների անդադար փոխանակման արդյունքում: Դա նման է ալքիմիայի, որը առաջանում է այն ժամանակ, երբ միատեղվում է, ինչպես Ինոն է ասում, «տաղանդի էկոլոգիան»՝ արվեստագետներ, համադրողներ, մտավորականներ, տեսաբաններ և շատ այլ «ճաշակ թելադրողներ»:
Հետևաբար, մենք փնտրում ենք խմբային նախագծեր, որոնք կարտահայտեն հավաքական մտքի գաղափարը, ինչպես նաև խրախուսում ենք տարբեր վոլորտները համադրող մոտեցումները:
Էքսպոյի ձևաչափը. Ով կարող է դիմել
Մենք խրախուսում ենք նվազագույնը երեք մասնակից ունեցող խմբային հայտերը:
«Կապսուլ»-ները ցուցահանդեսի շրջանակում ներկայացվող փոքր տաղավարներ են, որոնք ներկայացնում են ստեղծարարության որոշակի ոլորտ: Յուրաքանչյուր կապսուլային տաղավար կունենա համապատասխան տարածք, ֆինանսական աջակցություն և համադրողական մոտեցում: Յուրաքանչյուր կապսուլային տաղավար պետք է ունենա համադրող, որը կլինի կոնտակտային անձ և նախագծի ղեկավար՝ «Կատապուլտ տաղավարի» կազմակերպչակամ թիմի հետ աշխատանքի ընթացքում: Էքսպոյի կազմակերպման և ցուցահանդեսի օրերին համադրողը պետք է գտնվի Երևանում:
Կապսուլային տաղավարների կատեգորիաներ.
● Ստեղծարար տեխնոլոգիա (NFT, Մետավերս, AR/VR)
● Դիզայն
● Նորաձևություն
● Տպագիր նյութեր և գրքեր
● Տեսողական արվեստ
● Այլ/խառը*
* «Այլ/խառը» կապսուլային տաղավարը ընդարձակ կատեգորիա է, որը դիմորդներին հնարավորություն է ընձեռում բոլորովին նոր կատեգորիա առաջարկել կամ միավորել կատեգորիաները: Խնդրում ենք նշել ձեր՝ կապսուլային տաղավարում ներկայացվելիք կատեգորիաի անվանումը:
Զուգահեռ, «Կատապուլտ բեմ»-ը կներկայացնի խմբային միջոցառումների և պերֆորմանս արվեստի ծրագիր, որը կհամադրվի և կհամակարգվի «ԱՐէ» կատարողական արվեստի փառատոնի կողմից: Երկու հարթակների՝ «Կապսուլ»-ների և «Կատապուլտ բեմ»-ի դիմումները կհավաքագրվեն բաց կանչերի միջոցով։
