Նկար
«Հայաստան՝ կյանքի երկիր» ծրագիրը կազմավորվել է կամավորների նախաձեռնությամբ, ովքեր ձգտում են բացահայտել Հայաստանը և նրա մշակույթը, ներգրավվել տեղական համայնքների զարգացմանը և աջակցել կարիքավորներին: Այլ կերպ, «Հայաստան՝ կյանքի երկիր» ծրագիրը կատարյալ է նրանց համար, ովքեր ցանկանում են ակտիվորեն մասնակցել ավելի ուժեղ Հայաստանի կառուցմանը:
Ծրագիրը մեկնարկել է 2011 թ. ՀԲԸՄ Փարիզի Երիտասարդական խմբի կողմից. երիտասարդներ, որոնք մեծ մղում ունեն օգնելու իրենց հայրենիքին: Ծրագիրը գործում է յուրաքանչյուր ամառ, չորս շաբաթ տևողությամբ: Մասնակիցներն ապրում են նախապես որոշված որևէ գյուղում, որտեղ իրականացնում են վերակառուցման ծրագիր, ինչպես նաև տեղի երեխաների համար կազմակերպում առողջապահության թեմայով դասընթացներ: Arménie Terre de Vie-ն նշանակում է Հայաստան՝ կյանքի երկիր, քանի որ այդ ընթացքում մասնակիցներն անփոխարինելի կապեր են ստեղծում միմյանց, Հայաստանի ժողովրդի ու երկրի հետ:
2025 թվականի հուլիսին մասնակիցներն այցելեցին Տավուշի մարզի Ակնաղբյուր համայնք՝ ավարտելու գյուղի դպրոցի երկրորդ հարկի վերանորոգման աշխատանքները։ Բացի դրանից, նրանք կազմակերպեցին ուսուցողական միջոցառումներ և առողջապահական հանդիպումներ տեղացի երեխաների համար, ինչպես նաև բաժանեցին առաջին անհրաժեշտության պարագաների արկղեր։ 2026 թվականի հուլիսին կամավորները կրկին կուղևորվեն Տավուշ՝ ծրագրեր իրականացնելու մեկ այլ՝ հատուկ ընտրված գյուղում։
